Sunday 8 December 2019
Home      All news      Contact us      English
tert.am - 16 days ago

Իտալիան շահագրգիռ է Լեռնային Ղարաբաղի հակամարտության խաղաղ կարգավորմամբ և տարածաշրջանում կայունության հաստատմամբ. Ջուզեպպե Կոնտե

Իտալիան շահագրգիռ է Լեռնային Ղարաբաղի հակամարտության խաղաղ կարգավորմամբ և տարածաշրջանում կայունության հաստատմամբ: Այս մասին հայտարարել է Իտալիայի Հանրապետության նախարարների խորհրդի նախագահ Ջուզեպպե Կոնտեն՝ Հռոմում ՀՀ վարչապետ Նիկոլ Փաշինյանի հետ հանդիպման արդյունքներով լրատվամիջոցների համար հայտարարությունների ժամանակ: Մենք համոզված ենք, որ լուծման կարելի է հասնել միայն երկխոսության միջոցով: Առկա քաղաքական կամքը կարող է հանգեցնել տևական լուծման: Ժողովուրդները պետք է պատրաստվեն խաղաղության և գիտակցեն այն առավելությունները, որոնք կտա հակամարտության խաղաղ կարգավորումը: Պատրաստ ենք բոլոր միջոցներով մեր նպաստը բերել բանակցությունները շարունակելուն և տարածաշրջանին կայունություն բերելուն: Իտալիան շահագրգիռ է լարվածության նվազմամբ և արդյունավետ բանակցություններով ,- Արմենպրես -ի հաղորդմամբ՝ հայտարարել է Կոնտեն: ՀՀ վարչապետը նշել է, որ գործընկերոջը ներկայացրել է ԼՂ հակամարտության կարգավորման ներկա իրավիճակը՝ վերահաստատելով Հայաստանի պատրաստակամությունը շարունակել աշխատանքը ԵԱՀԿ Մինսկի խմբի համանախագահների միջնորդությամբ հակամարտության խաղաղ կարգավորման ուղղությամբ: Այս առումով արժևորեցինք միմյանց համար զգայուն հարցերի նկատմամբ հավասարակշռված դիրքորոշումների ու մոտեցումների պահպանման կարևորությունը ,-ընդգծեց Նիկոլ Փաշինյանը: Հիշեցնենք, որ ՀՀ վարչապետի պաշտոնական այցը Իտալիա մեկնարկել է նոյեմբերի 20-ին Վենետիկից: Նա եղել է նաև Միլանում:

Related news

Latest News
Hashtags:   

Իտալիան

 | 

շահագրգիռ

 | 

Լեռնային

 | 

Ղարաբաղի

 | 

հակամարտության

 | 

խաղաղ

 | 

կարգավորմամբ

 | 

տարածաշրջանում

 | 

կայունության

 | 

հաստատմամբ

 | 

Ջուզեպպե

 | 

Կոնտե

 | 
Most Popular (6 hours)

Most Popular (24 hours)

Most Popular (a week)

Sources