Saturday 14 December 2019
Home      All news      Contact us      English
tert.am - 22 days ago

Պոպուլիզմի գլոբալ սպառնալիքը. ո՞րն է ելքը

491 կողմ և 37 դեմ ձայներով Եվրոպայի ժողովրդական կուսակցության նոր նախագահ ընտրված Եվրախորհրդի հեռացող նախագահ Դոնալդ Տուսկը հայտարարել է, որ անխոնջ պայքար է մղելու պոպուլիզմի դեմ:

Ես պայքարի եմ դուրս գալիս պոպուլիստների դեմ։ Մի կողմից անպատասխանատու պոպուլիզմի կուսակցություններն են, իսկ մյուս կողմից՝ մեր կուսակցությունը, որը պատասխանատու է հանրաճանաչության համար ,- մասնավորապես ասել էր ԵԺԿ նախագահը:

Տուսկի հայտարարությունը, անշո՛ւշտ, յուրատեսակ արձանագրումն է այն վատառողջ տենդենցների, որ արդեն բավական տևական ժամանակ նկատվում է ինչպես ողջ աշխարհում, այնպես էլ՝ Եվրոպայում: Պոպուլիզմի հաղթարշավը, ինչ խոսք, ունի օբյեկտիվ հիմքեր, որոնք, խոշոր հաշվով, արդյունք են համաշխարհային գլոբալիզացիայի հետևանքով ի հայտ եկած մարտահրավերների. նույնիսկ այն երկրները, որոնք հեռվից թվում են՝ ալեկոծվող աշխարհում կայունության ու բարեկեցության կղզյակներ, իրական կյանքում այնքան էլ գայթակղիչ չեն, և նույն Եվրոպայի բազմաթիվ ժողովուրդներ այսօր բախվում են այնպիսի սուր մարտահրավերների, որոնց մասին գուցե մեկ կամ երկու տասնամյակ առաջ չէին էլ կարող պատկերացնել: Հասարակությունների՝ սեփական ապագայի հանդեպ ունեցած վախերն ու անորոշություններն են այն հիմնական պատճառը, որի արդյունքում պոպուլիստական քաղաքական ուժերը սկսել են բավական լայն մասսայականություն վայելել, ձեռք բերել համակիրների հոծ բանակներ: Հայաստանը, որ աշխարհի անքակտելի մասն է, ավելի քան մեկ և կես տարի է, ինչ հայտնվել է դրսի պոպուլիստներին սեփական ցինիկությամբ անհամեմատելիորեն գերազանցող տեղական ամբոխավարների ճիրաններում: Կարծես երեկ էր, երբ համաշխարհային պոպուլիզմի անգերազանցելի աստղը՝ ամբոխի մերկ ձեռքերի վրա իշխանությունը ճարպկորեն զավթած Նիկոլ Փաշինյանը, ժողովրդին հեղափոխական հարթակներից նոր կյանք էր խոստանում, բարեկեցիկ կենցաղ ու երաշխավորված ապագա: Այնինչ այն, ինչ ունենք այսօր, 1/10-ն էլ չի կազմում այն ամենի, ինչ խոստանում էր Նիկոլ Փաշինյանը: Պոպուլիզմի ու պոպուլիստների թիվ մեկ հակառակորդը, անկասկած, մտածող և գիտակից քաղաքացին է: Հենց նման որակներով օժտված անձն է, որ չի ենթարկվում ծաղրածուների մանիպուլյացիաներին: Նրան հնարավոր չէ մոլորեցնել, կարծիք պարտադրել կամ շահագործելով մարդկային էմոցիաները՝ դրանք վերածել ասենք սեփական քաղաքական մրցակիցների հետ հաշվեհարդար տեսնելու գործիքի: Ահա այս տեսանկյունից է նաև, որ կարևորվում է գիտակից քաղաքացու դերը սեփական պետության ճակատագրի կերտման հարցում, և որի դեմ է հենց ուղղված ներկա իշխանությունների լատենտ կամ բացահայտ բնույթ կրող կռիվը: Մտածող մարդու տեսակն է, որ այսօր վտանգված է Փաշինյանի Հայաստանում: Այն չորս կողմից թիրախավորված է, մարդկային այդ տեսակին ամեն գնով ջանում են զրկել ժամանակի ու տարածության մեջ ինքնուրույնաբար կողմնորոշվելու բացառիկ կարողությունից՝ իրականը փոխարինելով վիրտուալ շոուներով ու լայվերով : Եվրոպական քաղաքական էլիտան կամ առնվազը դրա ազդեցիկ հատվածը կարծես հասկացել է հիմնական գերխնդիրը, հասկացել է, թե որտեղից է բխում իրական վտանգն ու փորձելու է չեզոքացնել այն: Այդ պայքարի արձագանքները որքանո՞վ կզգացվեն այստեղ՝ Հայաստանում, կամ որքանո՞վ այդ պայքարը կօգնի Հայաստանի ճակատագրով մտահոգ ուժերին՝ առավել արդյունավետորեն կազմակերպելու պոպուլիստների դեմ մղվելիք իրենց բաժին պայքարը, ճեղքելու նրանց հակազդեցությունը:

Սա խնդիր է, որը, թերևս, պետք է հուզի նաև նույն եվրոպացիներին, քանի որ պոպուլիստներն անկանխատեսելի ու անվստահելի են ոչ միայն ներսում, այլև արտաքին աշխարհի համար, իսկ դա արդեն բոլորովին այլ մասշտաբներ է ենթադրում: Արմեն Կարեյան

Related news

Latest News
Hashtags:   

Պոպուլիզմի

 | 

գլոբալ

 | 

սպառնալիքը

 | 
Most Popular (6 hours)

Most Popular (24 hours)

Most Popular (a week)

Sources