Sunday 8 December 2019
Home      All news      Contact us      English
tert.am - 16 days ago

Գոգավանի անցակետում վրացական կողմից  արդեն 4 օր շուրջ 200 մեքենա է կանգնած. մաքսատանը չեն աշխատում. պատճառաբանում են աշխատավարձը ցածր է. վարորդ

Գոգավանի անցակետում (Լոռու մարզ) մոտ 200 մեքենա է կանգնած և երկու օրից ավելի է՝ չեն կարողանում մտնել անցնել հայկական սահմանը: Այս մասին Tert.am-ին հայտնեց անցակետում մնացած վարորդներից Աբգար Ասատրյանը:

Ես ինքս երեկ ցերեկը՝ ժամը 2-ից այստեղ եմ, իսկ ինձանից առաջվա եկածներն արդեն երրորդ, չորրորդ օրն է այստեղ կանգնած են ,- ասաց նա: Հարցին, թե ինչն է պատճառը, նա ասաց, որ նախորդ հերթափոխի աշխատակիցներն ասել են, որ աշխատավարձը ցածր է, չենք աշխատում: Մարդիկ չեն ուզում ոչ մի կերպ աշխատել: Պատճառն այն է, որ մարդկանց աշխատավարձը ցածր է. անցած հերթափոխն այդպես էր ասում այդպես էր ասում, աշխատավարձը ցածր է մենք էլ չենք աշխատում: Պատճառաբանում են, իբրև Թուրքիայից ավտոբուս է գալիս, այդ ավտոբուսի ապրանքն են ուսումնասիրում և չեն ուզում մեզ ոչ մի ձև օգնած լինեն , ասաց նա:

Իրավիճակն էլ այնպես է, որ այստեղ խանութ չկա, չենք կարողանում ոչ մի բան գնել: Ամեն անցակետն անցնելուց, այն կողմում Կալինինո քաղաքն է՝ 30 կմ այստեղից հեռու, տաքսին 1000 դրամ վերցնում, տանում է, 2000 դրամ վերցնում՝ բերում: Չգիտենք արդեն, մոլորված վիճակ է: Ռուսաստանից էինք դժգոհում, բայց Ռուսաստանից ավելի հեշտ էինք անցնում այս կողմ, քան որ պետք է մտնենք մեր շեմը: Ոչ մի ձևով չեն աշխատում ,- ավելացրեց նա:

Պատճառաբանություններից մյուսն էլ, ըստ վարորդի այն է, որ աշխատակիցներն են քիչ, դրա համար չեն աշխատում, չեն հասցնում. Բայց քանակն էլ քիչ չէ, իրենք ամբողջ գիշեր խմելով են ընկնում, ցերեկն էլ չեն աշխատում ,- նշեց նա: Հարցին՝ այս ընթացքում, որ կանգնած են քանի՞ մեքենա է անցակետն անցել և քանիսն է մնացել, նա պատասխանեց. Չորս մեքենա է անցել Հայաստանի տարածք, մնացածը՝ մոտ 200 մեքենա, այս պահին կանգնած են : Նա հավելեց, որ Հայաստան են գալիս և հիմա վրացական կողմում են կանգնած: Ուր ասես զանգել ենք, ոչ մի ձև չեն արձագանքում, թեժ գիծ էլ ենք զանգել: Ընդամենն ասում են, որ նորմալ աշխատում են: Չեն ուղարկում մեկին, որ գան տեսնեն այսքան մեքենա ինչի է այսքան ժամանակ կանգնած, չեն գալիս մի վարորդից հարցնեն՝ ինչ է եղել: Իրենք իրենց տաք տեղը նստած են, իսկ մենք այս ցրտին այստեղ կանգնած: Ընդամենը այդ 4 մեքենան, որ մտել է ներս այդ 4 մեքենայի տարածքն ենք առաջ եկել ,- շեշտեց նա: Աբգար Ասատրյանը նշեց, որ իրենց ուզածը մեծ բան չէ, ընդամենն ուզում են աշխատեն, որ իրենք էլ գնան տուն: Մեր աշխատանքը սա է, սրանով ենք մեր տունը պահում, այսօր մեզ նման շատ վարորդներն էլ ուզում են գնալ և տուն հանսել, վատ բան չենք բերում Հայաստան, մենք հայրենիք բերում ենք սնունդ, մետաղ, տարբեր տեսակի իրեր, իսկ մաքսայինները չեն ուզում ոչ մի ձևով աշխատեն, որ իրենց երկիրը բարելավվի, իրենք հակառակը՝ այնպես են անում, որ վնաս լինի: Նախկինում փող էին վերցնում ու աշխատում էին, հիմա չեն վերցնում չեն էլ աշխատում ,- ասաց նա և հավելեց, որ ձմռանը ավելի դժվար է սպասելը:






Related news

Latest News
Hashtags:   

Գոգավանի

 | 

անցակետում

 | 

վրացական

 | 

կողմից

 | 

 արդեն

 | 

շուրջ

 | 

մեքենա

 | 

կանգնած

 | 

մաքսատանը

 | 

աշխատում

 | 

պատճառաբանում

 | 

աշխատավարձը

 | 

վարորդ

 | 
Most Popular (6 hours)

Most Popular (24 hours)

Most Popular (a week)

Sources