Monday 16 December 2019
Home      All news      Contact us      English
azatutyun - 24 days ago

Համաշխարհային բանկը 50 միլիոն դոլար վարկ է հատկացրել Հայաստանի կառավարությանը

Թավշյա հեղափոխությունից ի վեր առաջին անգամ Համաշխարհային բանկը նոր, խոշոր՝ 50 միլիոն դոլարի վարկ է հաստատել Հայաստանի կառավարության համար, և բանկի երևանյան գրասենյակի ղեկավարի բնութագրմամբ՝ դա Փաշինյանի կառավարության անցած մեկուկես տարվա աշխատանքի գնահատականն է: Այսօր «Ազատության» հետ զրուցում Համաշխարհային բանկի հայաստանյան գրասենյակի տնօրեն Սիլվի Բոսութղոն առանձնացրեց Նիկոլ Փաշինյանի կառավարության հաջողությունները կոռուպցիայի դեմ պայքարում, հարկային ոլորտի բարեփոխումների, հարկահավաքության գործում․ - «Այո, կարող ենք ասել, [որ այս վարկը Նիկոլ Փաշինյանի կառավարության անցած մեկուկես տարվա աշխատանքի՝ Համաշխարհային բանկի գնահատականն է]: Բյուջետային աջակցության ծրագրերը շատ լրջորեն են մշակվում: Դիտարկում ենք այն ոլորտները, ուր, մեր կարծիքով, շատ կարևոր է բարեփոխումներ իրականացնել: Կառավարության հետ համաձայնեցնում ենք առաջնահերթ քայլերը, որոնք տվյալ ժամանակահատվածում կառավարությունը պետք է կյանքի կոչի, և միայն բարեհաջող աշխատանքից հետո է, որ մենք տրամադրում ենք գումարը: Մոտ մեկ տարի է քննարկումների մեջ էինք այդ ոլորտներում կառավարության քայլերի շուրջ: Այո՛, սա կարելի է որպես պարգև դիտարկել այն հաջողությունների համար, որ հասել է Հայաստանի կառավարությունը և որոնք շատ ոլորտներում շոշափելի են»: Համաշխարհային բանկի հաղորդագրության համաձայն, վարկային ծրագրի նպատակն է աջակցել կառավարության՝ տնտեսական, հարկաբյուջետային ու հանրային հատվածի կառավարմանը: Այսինքն, բարելավել մրցակցությանը, առևտրին միտված և որակի պարզեցված կարգավորումներն ու ընթացակարգերը, կատարելագործել եկամուտների ներգրավման ու հանրային ներդրումների արդյունավետությունը և վերջապես հզորացնել հակակոռուպցիոն նախաձեռնությունները: «Այս վարկը Հայաստանի կառավարության հետ համաձայնեցված ծրագրի մի մասն է: Հայաստանի հետ երկարամյա հարաբերություններ ունենք, սակայն վերջերս հաստատեցինք համագործակցության շրջանակային ռազմավարությունը, որտեղ նկարագրված են Հայաստանի հետ համագործակցության ուղղությունները, և այս համագործակցության ու ապագա փոխգործակցության շատ կարևոր մասն է լավ կառավարման հաստատումը: Ինչո՞ւ 50 միլիոն դոլար: Մեր հարաբերությունները հիմնված են համագործակցության որոշակի ուղղություններին վերաբերող համաձայնագրերի վրա: Ինչո՞ւ 50 միլիոն, որովհետև պայմանավորվեցինք Հայաստանի կառավարության հետ, որ այս գումարն է բավարար տվյալ գործողությունների համար: Եվ մենք ի վիճակի ենք ապահովել այս գումարը՝ նշված նպատակներին հասնելու համար»:

Related news

Latest News
Hashtags:   

Համաշխարհային

 | 

բանկը

 | 

միլիոն

 | 

դոլար

 | 

հատկացրել

 | 

Հայաստանի

 | 

կառավարությանը

 | 
Most Popular (6 hours)

Most Popular (24 hours)

Most Popular (a week)

Sources