Saturday 7 December 2019
Home      All news      Contact us      English
tert.am - 16 days ago

Վարչապետի հանձնարարականների պատճառով տարակուսելու շատ առիթներ եմ ունեցել և դրանցից ելնելով էլ կազմվել է իմ հրաժարականի տեքստը. Արթուր Վանեցյան (տեսանյութ)

Մտածող և վերլուծող մարդը շատ լավ հասկացել է, թե ինչ է գրված իմ հրաժարականի տեքստում, իսկ մեղադրել ինձ նրանում, թե ես կանգ առնելու կոչ եմ արել կոռուպցիայի դեմ պայքարին, ուղղակի ծիծաղելի է։ Այս մասին Պրեսինգ հաղորդման ժամանակ հայտարարեց ԱԱԾ նախկին տնօրեն Արթուր Վանեցյանը՝ անդրադառնալով քննադատություններին, թե հրաժարականի տեքստը նրա մասին է, թե վերջինս դեմ է կոռուպցիայի դեմ պայքարին։ Ստանձնելով ՀՀ ԱԱԾ տնօրենի պաշտոնը՝ իմ ղեկավարած հիմնարկը այս մեկուկես տարիներին եղել է կոռուպցիայի դեմ պայքարի առաջամարտիկը, դրա մասին բազմիցս խոսվել է երկրի քաղաքական ղեկավարության կողմից, դրական է ընկալվել հասարակության կողմից, և բոլորը տեսել են՝ ինչ ահռելի աշխատանք է կատարել ԱԱԾ-ն։ Ես չեմ կարող կանգ առ ասել մի երևույթի, որը մեր երկրի չարիքն է և խարխլում է երկրի հիմքերը։ Կոռուպցիայի դեմ պայքարն այլընտրանք չունի, կոռուպցիայի դեմ պետք է պայքարել շատ խիստ և մշտապես, անդադար։ Դա ես և իմ ղեկավարած կառույցը ապացուցել ենք այն մեկուկես տարվա ընթացքում, երբ ես եղել եմ ԱԱԾ տնօրեն ,- հայտարարեց նա։ Իսկ թե ո՞ր հարցում պետք է կանգ առնի ՀՀ վարչապետ Նիկոլ Փաշինյանը, Վանեցյանն ասաց, որ այդ հարցը կթողնի անպատասխան։ Առաջիկայում կխոսեմ ամեն ինչի մասին և մանրամասն կներկայացնեմ իմ տեսակետները երկրում ստեղծված մթնոլորտի և իրավիճակի մասին ,- նշեց նա։ Ինչ վերաբերում է իր հրաժարականից անմիջապես հետ հոր ընկերությունում ստուգումներ սկսելուն, նա պատասխանեց. Կարծում եմ՝ նոր Հայաստանում պատվերով ստուգումներ չպետք է իրականցվեն տնտեսվարող սուբյեկտների մոտ, բայց ես հիմա ինչքան էլ փորձեմ համոզել Ձեզ և հեռուստադիտողին, որ այդ ստուգումներն իմ հրաժարականի հետ կապ չունեն, ես չեմ կարող։ Իրականում, այո՛, հորս պատկանող ընկերությունում անմիջապես իմ հրաժարականից հետո եղել են ստուգումներ և որևէ խախտում չի հայտնաբերվել։ Ստուգումներն ավարտվել են ։ Հարցին էլ՝ կառավարության նիստի ժամանակ վարչապետի՝ ԱԱԾ տնօրենին և ոստիկանապետին տված հանձնարարականների դեպքում, օրինակ՝ գազալցակայաններում ՀԴՄ կտրոնների ստուգելը, ինչպիսի՞ն էր լինում իր արձագանքը, Վանեցյանն ասաց․ Իհարկե, տարակուսելու շատ առիթներ եմ ունեցել, բայց այս պահին ես դրա մասին չեմ ուզում խոսել, ես միայն կարող եմ ասել այդ իմ տարակուսանքներից ելնելով է նաև կազմվել իմ հրաժարականի տեքստը ։



Related news

Latest News
Hashtags:   

Վարչապետի

 | 

հանձնարարականների

 | 

պատճառով

 | 

տարակուսելու

 | 

առիթներ

 | 

ունեցել

 | 

դրանցից

 | 

ելնելով

 | 

կազմվել

 | 

հրաժարականի

 | 

տեքստը

 | 

Արթուր

 | 

Վանեցյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources