Monday 9 December 2019
Home      All news      Contact us      English
tert.am - 18 days ago

Մեկնարկեց More for Metsamor կրթական նախագիծը

Ռոսատոմ պետական կորպորացիան Մեծամորի 2-րդ ավագ դպրոցում ներկայացրեց More for Metsamor կրթական նախագիծը: Ծրագիրն ուղղված է ժամանակակից կրթական ձևաչափերի հասանելիության կազմակերպմանը և նպատակ ունի դպրոցը վերածել քաղաքի համար կրթական հանգույցի: Մենք շատ ուրախ ենք, որ նախագիծը մեկնարկում է հենց մեր ուսումնական հաստատությունում: Համոզված եմ, որ մեր գործընկերների հետ գործակցության շնորհիվ ծրագիրը կնպաստի դպրոցում կրթական նոր հնարավորությունների ձևավորմանը աշակերտների նորարարական մտածողությունը և նոր գիտելիքներ ձեռք բերելու ցանկությունը զարգացնելու համար ,- ասել է Մեծամորի 2-րդ ավագ դպրոցի տնօրեն Մայիս Նիկողոսյանը: Ծրագրի շրջանակում կես տարվա ընթացքում հանդիպումներ կանցկացվեն Հայաստանի և Ռուսաստանի նշանավոր մարդկանց հետ, որոնք Մեծամորի երիտասարդությանը կներկայացնեն իրենց հաջողության պատմությունները և մասնագիտության մեջ կայանալու սեփական փորձը: Կկազմակերպվեն նաև ուսումնական ճամփորդություններ Հայաստանի տարածքում, որոնք, անկասկած, հետաքրքիր ու օգտակար կլինեն երիտասարդների համար: Մերօրյա սերունդը կարող է քայլեր անել ինովացիոն աշխարհում, առաջ տանել գաղափարներ և դա անել այսօր՝ չսպասելով մասնագիտական հմտությունների ձեռքբերմանը: Յուրաքանչյուր բնակավայր կզարգանա, երբ կա երազանք, գաղափար և սեր: Անհնար ոչինչ չկա, եթե գաղափարներն ի նպաստ համայնքի, միջավայրի և երկրի զարգացման են: Ժամանակակից կրթության համակարգը կենտրոնացած է ոչ այնքան դասագրքերից տեսական գիտելիքներ ձեռք բերելու վրա, այլ՝ տրամաբանական, համակարգային մտածողության, թիմային աշխատանքի, ուսումնական գործընթացում ժամանակակից տեխնոլոգիաների ու նորարարությունների ներառման միջոցով գործնական հմտությունների ձեռքբերման: Մեր կարծիքով՝ More for Metsamor նախագիծը լավ հնարավորություն է նման հմտություններ ձեռք բերելու համար: Հույս ունեմ՝ ծրագիրն ավելի կընդլայնվի, և կտարածվի այլ բնակավայրերում ,- նշել է ԿԳՄՍ նախարարի տեղակալ Լուսինե Առաքելյանը: More for Metsamor-ի կարևոր փուլը գաղափարների մրցույթի շրջանակում դպրոցականներին իրենց նախագծերը ներկայացնելու հնարավորություն ընձեռելն է. դպրոցի առօրյան կարգավորող հարթակից մինչև դպրոցում արվեստի բոլոր ճյուղերի համար նախատեսված սենյակ: Հանդիպման ժամանակ դպրոցի աշակերտները ներկայացրին իրենց գաղափարները: Հաղթող նախագիծը կընտրվի 2020թ. քվեարկության եղանակով և կյանքի կկոչվի Ռոսատոմի աջակցությամբ: Ռոսատոմը գիտելիքների կորպորացիա է, մենք միշտ կիրագործենք և միշտ կաջակցենք այնպիսի նախագծերի, որոնք ապագա մասնագետներին կտան զարգանալու հնարավորություն, քանի որ հենց նրանք են մշակելու և ներդնելու նոր տեխնոլոգիաներ և նորարարություններ՝ նպաստելով տեխնոլոգիական առաջընթացին: Ընկերության հիմնական կապիտալը մարդն է, և հենց այդ պատճառով Ռոսատոմը աջակցում է այնպիսի ծրագրերի, որոնք բարելավում են մարդկանց կյանքի որակը ,- նշել է ռուսական կողմից Հայկական ԱԷԿ-ի շահագործման ժամկետի երկարացման նախագծի ղեկավար Յուրի Սվիրիդենկոն: Ծրագրի մեկնարկին մասնակցել են Մեծամորի քաղաքապետ Ռոբերտ Գրիգորյանը, ԿԳՄՍ նախարարի տեղակալ Լուսինե Առաքելյանը, ռուսական կողմից Հայկական ԱԷԿ-ի շահագործման ժամկետի երկարացման նախագծի ղեկավար Յուրի Սվիրիդենկոն, Հայաստանի էներգետիկական գործակալության հիմնադրամի ատոմային էներգետիկայի բնագավառում նախագծերի ղեկավար Արտեմ Պետրոսյանը, Երևանում Ռուսաստանի գիտության և մշակույթի կենտրոնը, դպրոցի տնօրինությունը, ՀԱԷԿ-ի աշխատակիցները, ոլորտի փորձագետները: Նման միջոցառումների համար շնորհակալ եմ: Եթե չեմ սխալվում, Մեծամորի դպրոցն այս ծրագրի առաջին օրինակն է: Հաճելի զարմացած եմ երեխաների գիտելիքներով և պատրաստվածությամբ, դա օրինակելի է այլ դպրոցների համար: Իմ սպասելիքները կրկնակի են արդարացվել , -ասել է էներգետիկայի գործակալության ծրագրի ղեկավար Արտակ Պետրոսյանը: Նոր հարթակ More for Metsamor նախագծի շրջանակում դպրոցում կստեղծվի նաև մուլտիմեդիոն գոտի: Այն հնարավորություն կտա անցկացնել ինտերակտիվ դասեր, որոնք կմիավորեն ոչ միայն դպրոցի աշակերտներին, այլև՝ քաղաքի բնակիչներին:


Related news

Latest News
Hashtags:   

Մեկնարկեց

 | 

Metsamor

 | 

կրթական

 | 

նախագիծը

 | 
Most Popular (6 hours)

Most Popular (24 hours)

Most Popular (a week)

Sources