Tuesday 10 December 2019
Home      All news      Contact us      English
tert.am - 19 days ago

Թրամփը Զելենսկիի անունը երկու տառասխալով է գրել

ԱՄՆ նախագահ Դոնալդ Թրամփն անձնական գրառումներում Ուկրաինայի նախագահ Վլադիմիր Զելենսկիի անունը երկու տառասխալով է գրել։ Թրամփի գրառումների լուսանկարը հայտնվել է Getty Images News-ի Twitter-յան էջում։ Ես ոչինչ չեմ ուզում։ Ոչինչ չեմ ուզում։ Ես ծառայություն ծառայության դիմաց չեմ ուզում։ Պետք է ասել Զելենսկիին ճիշտ գործել։ Սա ԱՄՆ նախագահի վերջին խոսքն է ,- գրված է լրագրողների ֆիքսած գրառման մեջ։ Այստեղ Ուկրաինայի նախագահի ազգանունը գրված է Zellinsky , այնինչ անգլերենում այն գրվում է Zelensky ։ Գրառումներն ԱՄՆ նախագահի մոտ են եղել լրագրողների հետ ունեցած զրույցի ժամանակ՝ Տեխաս մեկնելուց առաջ։ Գրառումները նվիրված են եղել Ուկրաինայի նախագահի հետ ունեցած հեռախոսազրույցի հետևանքով առաջացած սկանդալին։ Հեռախոսազրույցը երկու երկրների նախագահների միջև տեղի էր ունեցել հուլիսի 25-ին: Ըստ The Wall Street Journal-ի աղբյուրների՝ հեռախոսազրույցի ընթացքում Թրամփը մի քանի անգամ պահանջել է Զելենսկիից հետաքննություն սկսել ԱՄՆ նախկին փոխնախագահ Ջո Բայդենի որդու նկատմամբ. Հանթեր Բայդենը եղել է ուկրաինական Burisma Holding մասնավոր գազային ընկերության տնօրենների խորհրդի անդամ: Նշենք, որ Ջո Բայդենը մասնակցելու է 2020 թվականին կայանալիք ԱՄՆ նախագահական մրցապայքարին: Նոյեմբերի 15-ին հրապարակվել է երկու երկրների նախագահների առաջին զրույցի սղագրությունը։ Այստեղ Թրամփը գովաբանում է Միսս տիեզերք մրցույթի Ուկրաինայի մասնակիցներին և ծիծաղով ու գովաբանությամբ պատասխանում Զելենսկիի՝ իրենց ապագա հանդիպման պատվին անգլերեն սովորելու խոստմանը։

Related news

Latest News
Hashtags:   

Թրամփը

 | 

Զելենսկիի

 | 

անունը

 | 

երկու

 | 

տառասխալով

 | 
Most Popular (6 hours)

Most Popular (24 hours)

Most Popular (a week)

Sources