Thursday 12 December 2019
Home      All news      Contact us      English
tert.am - 22 days ago

Քրեական ենթամշակույթը կրողներին ոչ միայն պետք է փռել ասֆալտին, այլ ոչնչացնել, արմատախիլ անել իրավական գործիքակազմով. «Իմ քայլի» պատգամավոր (տեսանյութ)

Հայաստանում քրեական ենթամշակույթը պետք է տեղ չունենա, պետք է խստագույնս պատժի ենթարկել դրա կրողներին: Այս մասին Tert.am-ի հետ զրույցում ասաց ԱԺ Իմ քայլը խմբակցության պատգամավոր Վաղարշակ Հակոբյանը՝ զարմանք արտահայտելով, որ ԲՀԿ-ն Քրեական ենթամշակույթը քրեականացնելու մասին օրինագծերի փաթեթին դեմ քվեարկեց, իսկ ԼՀԿ-ն՝ ձեռնպահ: Նա ընդգծեց, որ ինքը նախագծի վերաբերյալ գետ մեկ առողջ քննադատություն չի լսել: Քրեական ենթամշակույթը ամբողջ հասարակության կողմից է մերժելի, կարոր է արձանագրել՝ այն մերժելի է նաև այն մարդկանց կողմից ովքեր այդ կյանքի հետ առնչություն ունեն: Մենք ունենք իրականություն, որ բոլոր կողմերից մերժելի է: Այդ իսկ պատճառով պետք է ԱԺ-ում լիներ կոնսենսուս մի հարցի շուրջ, որին արդեն մերժում է հասարակությունը , -ընդգծեց նա: Վաղարշակ Հակոբյանն ասաց, որ ենթամշակույթը պետք է մերժել սպառիչ կերպով, այն մեկ դար առաջ ձևավորված մշակույթը, որը հեղափոխությունից հետո ՀՀ-ում տեղ չեն ունենում:

Անդրադառնալով հարցին արդյոք խստագույն պատժել ասելով նկատի ունի վարչապետի ասֆալտին փռելու, պատերին ծեփելու սպառնալիքը պատգամավորն ասաց. Վարչապետը շատ ճիշտ է բնորոշել, այդ բնորոշման հիմքում ընկած է երևույթը մերժելու գաղափարը: Եվ ես ամբողջությամբ կիսում եմ այդ միտքը: Նրանց պետք է ոչ միայն փռել ասֆալտին, պետք է ոչնչացնել, արմատախիլ անել իրավական այն գործիքակազմով, որը գոյություն ունի և թույլատրելի է մեր Սահմանադրությամբ ,- նշեց նա:

Անդրադառնալով դիտարկմանը, որ իրենց խմբակցության մեջ ևս կան մարդիկ, որոնց անանունը ժամանակին հայտնվել է այս կամ այն հեղինակության հետ աղմկահարույց պատմություններում՝ խոսքը վերաբերում Սասուն Միքայելյանին, Հայկ Սարգսյանին, Դավիթ Սանասարյանն էլ վերջերս է խոսել այն մասին, որ Ալեն Սիմոնյանին ընտրություններում հեղինակություններ են աջակցել, պատգամավորն ասաց, որ Դավիթ Սանասարյանի հայտարարությանը ծանոթ չէ, իսկ Սասուն Միքայելյանն ու Հայկ Սարգսյան էլ հանդես են եկել սպառիչ պատասխաններով: Մանրամասները՝ տեսանյութում։

Related news

Latest News
Hashtags:   

Քրեական

 | 

ենթամշակույթը

 | 

կրողներին

 | 

միայն

 | 

ասֆալտին

 | 

ոչնչացնել

 | 

արմատախիլ

 | 

իրավական

 | 

գործիքակազմով

 | 

քայլի

 | 

պատգամավոր

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources