Friday 6 December 2019
Home      All news      Contact us      English
tert.am - 16 days ago

Խաղաղություն պահպանելու միակ հնարավորությունը լեռնահրաձգային բանակ ունենալն է՝ զինված ամենաժամանակակից զենքով. Կարեն Վարդանյան (տեսանյութ)

Կառավարության ծրագրում ֆիքսված է Հայաստանի՝ բարձրտեխնոլոգիական երկիր դառնալու նպատակը, բայց այն պետք է հստակեցնել. պետք է ունենանք հաղթանակի տեսլական բոլոր ոլորտներում, այդ թվում՝ բարձրտեխնոլոգիական: Արմնյուզ ՀԸ #ՕրաԽնդիր հաղորդմանը նման կարծիք է հայտնել Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը: Մենք նպատակադրվել ենք վերականգնել ՏՏ ոլորտում խորհրդային ծավալները՝ հնգապատկել այսօր առկա 20 հազար աշխատատեղը՝ այն դարձնելով 100 հազար ,- ասել է նա: Ըստ Վարդանյանի՝ Հայաստանը շուտով կդառնա աշխարհում միակ երկիրը, որն ինժեներական կրթությունն սկսում է դպրոցից. Բոլոր դպրոցներում կստեղծվեն Արմաթ լաբորատորիաներ: Դրանցում ներգրավված կլինի մոտ 40 հազար աշակերտ: 14 տարեկան դպրոցականներն արդեն կկարողանան աշխատել տեխնոլոգիական ոլորտում: Արմաթը մեզ կտա տարեկան հինգ հազար երիտասարդ մասնագետ, զուգահեռաբար ոլորտը կաճի նաև բնական տեմպերով: Ութ տարվա մեջ պետք է վերադառնանք խորհրդային ծավալներին : Կարեն Վարդանյանի կարծիքով՝ կառավարությունը պետք է մեծացնի նաև հավակնոտ և ցանցային ձեռնարկությունների թիվը, որոնք տեխնոլոգիական լուծումներ կկիրառեն, ինչպես նաև պետք է էական քայլեր անի ռազմարդյունաբերության ուղղությամբ. Մեր շատ գեներալներ չեն ուզում հավատալ, որ Հայաստանը կարող է զենք արտադրել: Մեր բանակը պատերազմի ավարտից հետո վերափոխվել է ՌԴ ցամաքային զորքերի կանոնադրությամբ բանակի: Այն չի համապատասխանում մեր ռելիեֆին, մեր մոտեցումներին, կյանքին : Վարդանյանի կարծիքով՝ առաջնագիծը պետք է ավտոմատացնել, բանակն էլ դարձնել լեռնահրաձգային. Մեր ամբողջ բնակչությունը պետք է լեռնահրաձիգ դառնա: Խաղաղություն պահպանելու միակ հնարավորությունը լեռնահրաձգային բանակ ունենալն է՝ զինված ամենաժամանակակից զենքով :

Վարդանյանի պնդմամբ՝ անգամ ամենախուլ գյուղերում շատ ավելի տաղանդավոր ու պայծառ երեխաներ կան, քան Երևանում. Մեր խնդիրը գիտահետազոտական համալսարան ունենալն է, որն այսօր չունենք: Եթե զբաղվում ենք ռազմարդյունաբերությամբ, ունենք պաշտպանության և տեխնոլոգիական ոլորտում առաջատար դիրքեր գրավելու խնդիր, մեր համալսարանները պետք է դառնան գիտահետազոտական : Կարեն Վարդանյանի կարծիքով՝ ՏՏ ոլորտում մենք միջազգայնորեն մրցունակ ենք։ Միայն Ինֆոսիս ընկերությունում աշխատում է 250 հազար մարդ, մենք ձգտում ենք ոլորտում ունենալ 100 հազար զբաղված մարդ: Մեր խնդիրը շատ սպեցիֆիկ ոլորտներում մրցունակ ու ստեղծարար լինելն է, որ մեր ուրույն դերն ունենանք, այլապես աղմուկի մեջ մեր ցածր ձայնը չի լսվի ,- ամփոփել է Վարդանյանը:
Դավիթ Սարգսյան

Related news

Latest News
Hashtags:   

Խաղաղություն

 | 

պահպանելու

 | 

հնարավորությունը

 | 

լեռնահրաձգային

 | 

բանակ

 | 

ունենալն

 | 

զինված

 | 

ամենաժամանակակից

 | 

զենքով

 | 

Կարեն

 | 

Վարդանյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources