Tuesday 10 December 2019
Home      All news      Contact us      English
tert.am - 20 days ago

Զբաղվածության կենտրոնի հաշվետվությունները նկարած են, հաշմանդամություն ունեցող 25,000 գործազուրկների թիվը չի նվազում. քաղաքացին բողոքում է՝ իրեն աշխատանքի չեն տեղավորում

Զբաղվածության պետական գործակալությունը հավաստիացնում է, որ ամեն ինչ անում են, բայց իրականում ոչինչ չեն անում, ոչինչ չի փոխվում: Նրանց պետք է ստիպել, որ ճիշտը ասեն: Այս մասին Tert.am-ի հետ զրույցում ասաց Կարեն Նազարյանը, ով հաշմանդամություն ունի և տևական ժամանակ է՝ պայքարում է աշխատանքի համար, սակայն այն դեռ չի ստացել: Ես հաշմանդամություն ունեմ ու բավական ժամանակ է պայքարում եմ, որպեսզի իմ սոցիալական խնդիրները լուծվեն, սակայն միայն քաշքշուկի մեջ եմ ընկնում: Զբաղվածության գործակալությունը ոչինչ չի անում: Նախարարի հետ եմ հանդիպել, բայց խնդրին լուծում չի տրվել ,- ասաց նա: Կարեն Նազարյանի խոսքով՝ նրան մի քանի տեղ են ուղղորդել՝ հաշվի չառնելով նրա ֆիզիկական վիճակը: Նա նշեց մի քանի աշխատատեղեր, որոնք հարմարեցված չեն եղել նրա խնդիրներին, կամ աշխատավայրերը շատ հեռու են եղել: Վերջերս մի աշխատատեղ առաջարկեցին Աբովյան քաղաքում, որը և՛ հեռու էր, և՛ իմ մասնագիտության հետ կապ չուներ: Ես ֆինանսիստ հաշվապահ եմ, ինձ ադամանդագործություն են առաջարկում և մեղադրում, որ չեմ համաձայնում: Իմ մասնագիտությամբ ինձ ուղարկում են վերապատրաստման, բայց մասնագետներն էլ ասում են, որ ես այդ ամենը գիտեմ, կարիք չկա նորից սովորելու ,- նշեց նա: Նա ներկայացրեց, որ հանդիպել է Աշխատանքի և սոցիալական հարցերի նախարար Զարուհի Բաթոյանի հետ, ով էլ հանձնարարական է տվել, բայց Բաթոյանի հանձնարարականը չեն կատարել, և հիմա նույն հարցով նրա հետ հանդիպել չի կարող: Կարեն Նազարյանն ասաց, որ նրա համար անհասկանալի է Զբաղվածության պետական գործակալության ներկայացրած հաշվետվությունները: Ըստ նրա՝ այդ հաշվետվությունները կամ կեղծ են, քանի որ նշվում է՝ հաշմանդամներին աշխատանքի են տեղավորել, կամ խնդիրն անձնական է: Ասում եմ՝ իմ խնդիրն ինչո՞ւ չեք լուծում, ասում են՝ չենք կարողանում, ձերը բարդ է: Հետաքրքիրն այն է, որ 25000 գործազուրկ հաշմանդամություն ունեցողների թիվը չի նվազում, սակայն նրանք ասում են, որ շատերի խնդիրները լուծել են: Ստացվում է, որ նկարած հաշվետվություն են ներկայացնում նախարարությանը, կամ ինձ են արհամարհում ,- նշեց Կարեն Նազարյանը: Ծանոթ-բարեկամով են աշխատանքի տեղավորում: Քաղաքապետարանում գերազանցությամբ քննություն եմ հանձնել, բայց էլի ծանոթ-բարեկամով են աշխատանքի ընդունել: Ո՛չ իրենք են պետական ապարատում խնդիրը լուծում, ո՛չ էլ մասնավոր ընկերությունների են դիմում ,- ասաց նա: Tert.am-ը փորձեց խնդրի մասին տեղեկանալ ՀՀ աշխատանքի և սոցիալական հարցերի նախարարությունից, սակայն նշեցին, որ պետք է հարցում ուղարկել Զբաղվածության պետական գործակալություն:

Related news

Latest News
Hashtags:   

Զբաղվածության

 | 

կենտրոնի

 | 

հաշվետվությունները

 | 

նկարած

 | 

հաշմանդամություն

 | 

ունեցող

 | 

գործազուրկների

 | 

նվազում

 | 

քաղաքացին

 | 

բողոքում

 | 

աշխատանքի

 | 

տեղավորում

 | 
Most Popular (6 hours)

Most Popular (24 hours)

Most Popular (a week)

Sources