Monday 9 December 2019
Home      All news      Contact us      English
tert.am - 20 days ago

Սիսակ Գաբրիելյանն էլ Արսեն Բաբայանին է երաշխավորել. «Իմ քայլը» խմբակցության պատգամավորը՝ Սասուն Միքայելյանի կողմից «Նորատուսցի Ալիկ»-ին երաշխավորելու մասին

Ոչ վաղ անցյալում մեր գործընկեր Սիսակ Գաբրիելյանը հանդես է եկել Արսեն Բաբայանի խափանման միջոց կալանքը փոխելու համար, սակայն դա չի նշանակում, որ պարոն Գաբրիելյանը դրական է վերաբերում պարոն Բաբայանի կողմից կատարված կամ ենթադրաբար կատարված արարքին: Այս մասին ԱԺ ճեպազրույցների ժամանակ ասաց ԱԺ պետաիրավական հանձնաժողովի անդամ, պատգամավոր Սուրեն Գրիգորյանը՝ անդրադառնալով հարցին, թե ինչպես կմեկնաբանի այն, որ հեղափոխությունից հետո Սասուն Միքայելյանը հանդես է եկել Ալիկ Բանդուրյանի՝ Նորատուսցի Ալիկի խափանման միջոցը փոխելու երաշխավորության համար: Մինչ այդ Սուրեն Գրիգորյանը խոսում էր նախկին իշխանության ներկայացուցիչների, քրեական գործերի ու քրեական հեղինակությունների հետ կապերի մասին: Սուրեն Գրիգորյանն ասաց, որ թացը չորից պետք է տարբերել: Երևույթը հետևյալն է. ես չեմ ասում, որ պարոն Բաբայանը քրեական հեղինակություն է, կամ էդ առումով չեմ համեմատում, խոսքն այլ բանի մասին: Ցանկացած անձ, լինի քրեական հեղինակություն է, թե ոչ, կատարել է հանցագործություն, թե չի կատարել, քաղաքացի է, ում ազատությունը պետք է սահմանափակվի բացառապես օրենքով սահմանված դեպքերում: Եթե պարոն Միքայելյանը գտել է, որ անգամ քրեական հեղինակություն հանդիսացող անձի ազատազրկման հիմքեր չկան և քննության նպատակներից չի բխում, որ էդ անձը գտնվի անազատության մեջ և երաշխավորագիր է ներկայացրել, պետք չի երբեք դիտարկել, որ նա խրախուսում է հանցագործությունը ,-նկատեց նա: Սուրեն Գրիգորյանը հորդորեց հարցն ուղղել Սասուն Միքայելյանին: Հիշեցնենք, որ հեղափոխությունից հետո ԱԺ ԵԼՔ խմբակցության պատգամավոր Սասուն Միքայելյանն ու ԱԺ Ծառուկյան դաշինքի 9 պատգամավոր Նորատուսցի Ալիկ մականունով հայտնի քրեական հեղինակություն Ալիկ Բանդուրյանի համար անձնական երաշխավորություն էին ներկայացրել, սակայն դատարանը մերժել էր: Ծառուկյան դաշինքի պատգամավորներն են՝ Արարատ Զուրաբյանը, Արթուր Մանուկյանը, Սերգեյ Բագրատյանը, Վահան Հայրապետյանը, Դավիթ Մանուկյանը, Հրանտ Մադաթյանը, Մերուժան Սիմոնյանը, Տիգրան Ստեփանյանը, Արայիկ Աղաբաբյանը: Նրանք, ինչպես նաև Սասուն Միքայելյանը, Բանդուրյանի վերաբերյալ երաշխավորագրում նշել էին, որ այդ գործով ամբաստանյալ Ալիկ Բանդուրյանն ազատ արձակվելու դեպքում չի խոչընդոտի գործի քննությանը, վարույթ իրականացնող մարմնից չի թաքնվի, ինչպես նաև չի դրսևորի ոչ պատշաճ վարքագիծ: Նիկոլ Փաշինյանը Սասուն Միքայելյանի քայլը քննադատել էր:

Related news

Latest News
Hashtags:   

Սիսակ

 | 

Գաբրիելյանն

 | 

Արսեն

 | 

Բաբայանին

 | 

երաշխավորել

 | 

քայլը

 | 

խմբակցության

 | 

պատգամավորը՝

 | 

Սասուն

 | 

Միքայելյանի

 | 

կողմից

 | 

Նորատուսցի

 | 

երաշխավորելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources