Wednesday 11 December 2019
Home      All news      Contact us      English
tert.am - 21 days ago

«Աշխարհաքաղաքական գործընթացներին պետք է արձագանքենք միասնական». Վահե Էնֆիաջյան (տեսանյութ)

Ռուսաստանի Դաշնության մայրաքաղաք Մոսկվայում նոյեմբերի 19-ին կայացել է Խորհրդարանական խմբակցությունների փոխգործակցության դերը քաղաքական կուսակցություններում և դաշինքներում՝ ԱՊՀ երկրների միջխորհրդարանական համագործակցության մեջ թեմայով միջազգային խորհրդաժողովը:

Աշխատանքային քննարկումները միտված են եղել միջկուսակցական և միջխորհրդարանական փոխգործակցության ամրապանդմանը:

Համաժողովին ելույթ է ունեցել ՀՀ ԱԺ նախագահի տեղակալ, Բարգավաճ Հայաստան կուսակցության փոխնախագահ Վահե Էնֆիաջյանը:

Տիկնայք և պարոնայք, Խորհրդարանական խմբակցությունների փոխգործակցության դերը քաղաքական կուսակցություններում և դաշինքներում ԱՊՀ երկրների միջխորհրդարանական համագործակցության մեջ միջազգային խորհրդաժողովի հարգելի մասնակիցներ, հարգելի Սերգեյ Իվանովիչ, շնորհակալություն եմ հայտնում միջազգային խորհրդաժողովին հրավիրելու համար: Ողջունում եմ Ռուսաստանի Դաշնության Պետդումայի բոլոր ներկաներին: Հարգելի գործընկերներ, մեր միջև սերտ դաշնակցային, միջկուսակցական և միջխորհրդարանական հարաբերություններ են, որոնք բնութագրվում են փոխադարձ այցելությունների և հանդիպումների մեծ ինտենսիվությամբ՝ ամենաբարձր մակարդակներում: Երկու բարեկամ երկրների միջև կնքվել են ավելի քան 250 միջպետական, միջկառավարական և միջգերատեսչական պայմանագրեր և համաձայնագրեր՝ ներառյալ Բարեկամության պայմանագիրը: Սիրելի ընկերներ, այս տարի լրացավ Բարգավաճ Հայաստան կուսակցության և Միասնական Ռուսաստան կուսակցության համագործակցության հուշագրի ստորագրման 10 տարին: Մեր կուսակցության նախագահ Գագիկ Ծառուկյանը բազմիցս շեշտել է, որ ժամանակն է ամրապնդել մեր բարեկամական հարաբերությունները, և որ մենք պատրաստ ենք շարունակել մեր նախագծերը, ծրագրերը և աջակցությունը, քանի որ նման հարաբերությունները նպաստում են մեր երկրների բարգավաճմանը:
Մեր համագործակցությունն առաջնային է և ռազմավարական մոտեցում ունի: Ընթացիկ տարվա հոկտեմբերի 12-ին՝ պարոն Նևերովի գլխավորությամբ պաշտոնական այցի ընթացքում համաձայնություն է ձեռք բերվել ստեղծելու աշխատանքային խումբ, որը կզբաղվի միջխմբակային և միջկուսակցական կապերի, երիտասարդական ծրագրերի, ինչպես նաև միջազգային վայրերում գործընկերության խնդիրների լուծմամբ:

Աշխարհը զարգանում է, և այն խնդիրները, որոնց առջև մենք կանգնած ենք, նույնպես զարգանում են: Եվ ցանկացած դժվարություն կարելի է հաղթահարել միայն միասնական և գրագետ աշխատանքի շնորհիվ: Աշխարհաքաղաքական զարգացումները մեզ ասում են, որ մենք միշտ պետք է պատրաստ լինենք ցանկացած տեսակի փոփոխության:

Վերոնշյալը նաև բարձրաձայնել եմ սեպտեմբերի 27-28-ը Կալինինգրադում տեղի ունեցած՝ Եվրոպայում անվտանգության և համագործակցության ամրապնդման հեռանկարները և հնարավորությունները միջազգային գիտաժողովի իմ զեկույցում: Հիշեցնեմ, որ գիտաժողովին մասնակցում էին անվտանգության փորձագետներ, ինչպես Ռուսաստանի, այնպես էլ միջազգային անվտանգության համագործակցության կառույցներ, ավելի քան 30 եվրոպական պետություններ: Երկօրյա ակտիվ քննարկումներ տեղի ունեցան տարբեր երկրների քաղաքական կառույցների ներկայացուցիչների մասնակցությամբ:

Այնուհետեւ իմ և գործընկերներիս գաղափարները տեղ գտան՝ 21-րդ դարի Եվրոպայում անվտանգությունն ու համագործակցությունը փաստաթղթերի հոդվածների ժողովածուի մեջ: Պարոն Կլիմովը կհաստատի, որ այսպիսի միջոցառումը թույլ է տալիս իրավիճակը դիտարկել այլ տեսանկյունից և գտնել նոր առաջարկներ եւ տեսլականներ:

Հարգելի գործընկերներ, մենք մշտապես կարեւորում ենք մեր համագործակցությունը, որը զարգանում է ամենաբարձր մակարդակով՝ մեր կուսակցության նախագահի՝ Բարգավաճ Հայաստան խմբակցության ղեկավար Գագիկ Ծառուկյանի գլխավորությամբ, փոխնախագահների, երկու հանձնաժողովների նախագահների և երկու կողմերի կուսակցական կառույցների ղեկավարների:

Վստահ եմ, որ պետք է ամրապնդենք երկու երկրների ժողովուրդների միջև բարեկամությունը՝ դաշնակցային լայն փոխգործակցության, բոլոր ոլորտներում հարաբերությունների ինտենսիվ խորացման, կայուն խաղաղության, երաշխավորված անվտանգության ապահովման միջոցով, ինչպես Կովկասի տարածաշրջանում, այնպես էլ ամբողջ աշխարհում: Հարգելի գործընկերներ, թույլ տվեք ևս մեկ անգամ շնորհակալություն հայտնել հրավերի և վստահության համար. այս խորհրդաժողովը լավագույն հարթակներից մեկն է միջխմբակցային և միջկուսակցական համագործակցությանն առնչվող հարցերի քննարկման համար: Խորհրդաժողովի բոլոր մասնակիցներին մաղթում եմ արդյունավետ աշխատանքային քննարկումներ :

Related news

Latest News
Hashtags:   

Աշխարհաքաղաքական

 | 

գործընթացներին

 | 

արձագանքենք

 | 

միասնական

 | 

Էնֆիաջյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources