Sunday 15 December 2019
Home      All news      Contact us      English
tert.am - 26 days ago

Տիգրան Ավինյանը Միջազգային գիտատեխնիկական կենտրոնի պատվիրակության հետ քննարկել է միջուկային անվտանգության և այլ հարցեր

Նոյեմբերի 19-ին փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի (ՄԳՏԿ) կառավարիչների խորհրդի նախագահ Ռոնալդ Լեմանի գլխավորած պատվիրակությանը: Այս մասին տեղեկացնում են Փոխվարչապետի գրասենյակը: Տիգրան Ավինյանը կարևորել է ՄԳՏԿ գործունեությունը և հայկական հետազոտական կազմակերպությունների տրամադրած աջակցությունը: Ռոնալդ Լեմանը բարձր է գնահատել Հայաստանի և հայ գիտնականների ներդրումը և ակտիվ գործունեությունը ՄԳՏԿ-ի շրջանակներում: Զրուցակիցները քննարկել են միջուկային անվտանգության, բնապահպանության, ջրային ռեսուրսների կառավարման, սեյսմալոգիայի և այլ ոլորտներում կազմակերպության անդամ երկրների հետ հետագա համագործակցությունը: Տիգրան Ավինյանը ներկայացրել է կրթության և գիտության ոլորտում կառավարության նախաձեռնած բարեփոխումները: Նրա խոսքով մարդկային կապիտալի զարգացումը երկրի առաջնահերթություններից է և բարեփոխումների արդյունքներից մեկն է լինելու գիտությունը երիտասարդների համար հրապուրիչ դարձնելը և գիտնականների համար պատշաճ պայմաններ ստեղծելը: Տիգրան Ավինյանը նաև նշել է, որ նպատակ կա հավելյալ միջոցներ հատկացնել գիտությանը, որոնք հիմնականում կուղղվեն արհեստական բանականության և տվյալագիտության ոլորտներին: Փոխվարչապետը կարևորել է նաև հետդոկտորական (postdoc), ինչպես նաև արհեստական բանականության և տվյալագիտության ոլորտում դոկտորական ծրագրերի ներդրումը Հայաստանում:

Related news

Latest News
Hashtags:   

Տիգրան

 | 

Ավինյանը

 | 

Միջազգային

 | 

գիտատեխնիկական

 | 

կենտրոնի

 | 

պատվիրակության

 | 

քննարկել

 | 

միջուկային

 | 

անվտանգության

 | 

հարցեր

 | 
Most Popular (6 hours)

Most Popular (24 hours)

Most Popular (a week)

Sources