Thursday 5 December 2019
Home      All news      Contact us      English
tert.am - 16 days ago

Նուբարաշենի հոգեբուժարանում քաղաքացիներին տրամադրվել են պարզաբանումներ հանձնուքների ժամանակավոր սահմանափակման վերաբերյալ, ինչից հետո նրանք դադարեցրել են հացադուլը. ՄԻՊ

Մարդու իրավունքների պաշտպանի աշխատակազմը վաղ առավոտից հեռախոսազանգեր է ստացել Հոգեկան առողջության պահպանման ազգային կենտրոնում (Նուբարաշենի հոգեբուժարան) հացադուլ հայտարարած անձանցից, տեղեկացնում է Մարդու իրավունքների պաշտպանի գրասենյակը: Ըստ ահազանգերի՝ հացադուլ հայտարարելու պատճառը եղել է իրենց ազգականների բերած
պատրաստի սննդի մուտքը հոգեբուժարան արգելելը: Ահազանգերի կապակցությամբ Մարդու իրավունքների պաշտպանի աշխատակազմի Խոշտանգումների և վատ վերաբերմունքի կանխարգելման վարչության մասնագետները մշտական կապի մեջ են եղել հոգեբուժարանի տնօրենի և փոխտնօրենի հետ, ինչպես նաև հետադարձ կապ են հաստատել հացադուլ հայտարարած անձանց հետ:

Հոգեբուժարանի տնօրինության պարզաբանման համաձայն՝ հանձնուքների արգելման նպատակը վերջերս Նուբարաշենի հոգեբուժական հիվանդանոցում տարածված աղիքային վարակի կանխարգելումն է: Այն կրում է ժամանակավոր բնույթ և վերաբերում է բացառապես տնային պայմաններում եփված սննդին (բանջարեղեն, միրգ, հաց, քաղցրավենիք և այլ հում սննդի հանձնումն արգելված չէ): Հացադուլ հայատարած անձինք Մարդու իրավունքների պաշտպանի ներկայացուցիչների հետ առանձնազրույցների ընթացքում տեղեկացրել են, որ իրենց տրամադրվել են բավարար պարզաբանումներ հանձնուքների ժամանակավոր սահմանափակման հարցի վերաբերյալ, և իրենք դադարեցրել են հացադուլը: Հոգեբուժարանում գտնվող անձանց հոգեկան առողջության և նրանց իրավունքների պաշտպանության հարցերը շարունակվում են մնալ Պաշտպանի ուշադրության կենտրոնում:

Related news

Latest News
Hashtags:   

Նուբարաշենի

 | 

հոգեբուժարանում

 | 

քաղաքացիներին

 | 

տրամադրվել

 | 

պարզաբանումներ

 | 

հանձնուքների

 | 

ժամանակավոր

 | 

սահմանափակման

 | 

վերաբերյալ

 | 

ինչից

 | 

նրանք

 | 

դադարեցրել

 | 

հացադուլը

 | 
Most Popular (6 hours)

Most Popular (24 hours)

Most Popular (a week)

Sources