Saturday 7 December 2019
Home      All news      Contact us      English
tert.am - 18 days ago

Նոր սարքերը, հավանաբար, ավելի քիչ վնասակար են, քան սիգարետը. Նիդեռլանդների Հանրային առողջապահության ու շրջակա միջավայրի ազգային ինստիտուտի վերլուծությունը

2017 թ․վիճակագրությամբ Նիդեռլանդներում ծխում է չափահասների 23.1%-ը։ Ծխողների 35.7%-ը խոստովանել է, որ նախորդ տարվա ընթացքում սիգարետից հրաժարվելու անհաջող փորձ է կատարել։ Նիդեռլանդների Հանրային առողջապահության ու շրջակա միջավայրի ազգային ինստիտուտը հետազոտել է սիգարետն ու թութունը տաքացնող համակարգերը։ Փաստորեն, այլընտրանքների արձակած գոլորշու բաղադրության մեջ տոքսիկ նյութերն ավելի քիչ են, քան սիգարետի ծխում։ Ինստիտուտը հետևություն է անում․ թութունը տաքացնող սարքերն անվնաս չեն մարդու օրգանիզմի համար, բայց, հավանաբար, ավելի քիչ վնասակար են, քան սիգարետը։ Անցումն ավելի քիչ վնասակար այլընտրանքին կարող է լուրջ ազդեցություն ունենալ Նիդեռլանդների հակածխախոտային պայքարի համատեքստում։ Ժամանակակից գիտությունը հնարավոր է դարձրել ավելի մանրամասն ուսումնասիրել ծխելու հետևանքով առաջացող հիվանդություններն ու բացահայտել պատճառահետևանքային կապերը։ Հետազոտությունները փաստում են․ մարդիկ ծխում են նիկոտինի համար, մահանում ծխից։ Ի հեճուկս կարծրատիպի՝ հիվանդությունների առաջացման առաջնային պատճառը ոչ թե նիկոտինն է, այլ սիգարետի ծուխը։

Չարյաց փոքրագույն դարձան նոր սերնդի արտադրատեսակները, որոնք, ի տարբերություն սիգարետի, աշխատում են առանց այրման ու, հետևաբար՝ ծխի։ Ու թեև զրոյական ռիսկի մասին խոսելը դեռ վաղ է, սա, այնուամենայնիվ, խոստումնալից շրջադարձ է ծխելու դեմ պայքարում։

Փորձելով համեմատել նոր արտադրատեսակները սիգարետի հետ ու հասկանալ՝ որն է դրանց կարգավորման սկզբունքը, առաջատար երկրների առողջապահական կառույցները հետազոտական ծրագրեր սկսեցին։ Նման մի փորձ 2018 թվականին կատարել էր Նիդեռլանդների Հանրային առողջապահության ու շրջակա միջավայրի ազգային ինստիտուտը։ Թութունի տաքացման համակարգերի վերաբերյալ կատարած հետազոտության արդյունքում գիտնականները նշել են, որ ծխելու հետևանքով առաջացող հիվանդությունները պետք է ուսումնասիրել երկարաժամկետ կտրվածքով։ Առկա տվյալները վկայում են, որ, չնայած այս սարքերի օգտագործումը անվնաս չէ առողջության համար, կա հավանականություն, որ վնասն ավելի քիչ է, քան սիգարետ ծխելու դեպքում։ Հետազոտողներն անդրադարձել են սիգարետի ծխի ու սարքերի արձակած գոլորշու համեմատական վերլուծությանն ու արձանագրել, որ գոլորշու մեջ վնասակար նյութերն ավելի քիչ են, քան սիգարետի ծխում։

Միևնույն ժամանակ, անհրաժեշտ է հիշել, որ թութունի տաքացման համակարգերը նիկոտին են մատակարարում մարդու օրգանիզմ, որը, ինչպես հայտնի է, առաջացնում է կախվածություն։ Հետևաբար, թութունի տաքացման համակարգերի դեպքում խելամիտ կլինի ասել, որ սարքերը պետք է հնարավորինս հասանելի դարձնել ծխողների համար ու հնարավորինս հեռու պահել չծխողներին։ Հենց այս խնդիրը պետք է լուծի գիտական փաստերի վրա հիմնված կշռադատված կարգավորումը։

Related news

Latest News
Hashtags:   

սարքերը

 | 

հավանաբար

 | 

ավելի

 | 

վնասակար

 | 

սիգարետը

 | 

Նիդեռլանդների

 | 

Հանրային

 | 

առողջապահության

 | 

շրջակա

 | 

միջավայրի

 | 

ազգային

 | 

ինստիտուտի

 | 

վերլուծությունը

 | 
Most Popular (6 hours)

Most Popular (24 hours)

Most Popular (a week)

Sources