Sunday 8 December 2019
Home      All news      Contact us      English
tert.am - 19 days ago

Արդյոք աշխատակիցներին պետք է թույլատրվի քնել աշխատավայրում. աշխարհի շատ ընկերություններ հաջողությամբ կիրառում են այս փորձը

Շատերին կարող է անհանգստացնել աշխատուժի քնելու հետևանքով հասցված վնասի մասին միտքը, սակայն փաստն այն է, որ աշխատանքի ժամանակ քնել թույլատրելու հիմնական փաստարկն արդյունավետությունն ու արտադրողականությունը բարձրացնելն է և ոչ թե իջեցնելը, գրում է BBC հեռուստառադիոկորպորացիայի կայքը: Քնի առողջության ամերիկյան ակադեմիայի նախկին նախագահ Լոուրենս Էփսթեյնի գնահատմամբ՝ մոտավորապես 70 միլիոն ամերիկացի տառապում է քնի խանգարումից: Վերջերս Ինդիանայի Բոլի պետական համալսարանում հրապարակված 150 000 մարդկանց քնի տևողության մասին հետազոտությունների համաձայն 7 ժամ կամ դրանից քիչ քնող մարդկանց թիվը 2010 թվականի 30,9% ցուցանիշի համեմատ 2018-ին բարձրացել է՝ հասնելով 35,6% տոկոսի: Ոստիկանության և առողջապահության աշխատակիցների հաղորդմամբ իրենք նույնպես չեն հասցնում բավարար չափով քնել: Չնայած որ աշխատանքի վայրում քնելը երկար ժամանակ անընդունելի է եղել պետական աշխատողների համար, այնուամենայնիվ, այն երբեք բացահայտորեն արգելված չի եղել: Շատ ընկերություններ առավել իրազեկ են դառնում այս խնդրի մասին և ուղիներ են փնտրում դրանք լուծելու համար ,- նշվում է BBC-ին տված հարցազրույցում: Քնի պակասը կարող է վնաս հասցնել ոչ միայն մարդկանց առողջությանը, այլև նաև երկրի տնտեսությանը: Քնի պակասի հետ են կապված մի շարք հիվանդություններ՝ ճարպակալումը, շաքարախտը, սրտանոթային հիվանդությունները, կաթվածը, ինչպես նաև հոգեկան առողջության հետ կապված խնդիրներ: Նրանք, ովքեր քնի պակաս ունեն, ի վիճակի չեն լինում լավագույնս իրենց դրսևորել աշխատավայրում: Այդ խնդրի դեմ պայքարում, օրինակ, Ճապոնիայում ընկերությունները հատուկ սենյակներ և ձայնամեկուսիչ պատյաններ են ստեղծել, որտեղ աշխատակիցները կարող են հանգստանալ: Շատ աշխատակիցների սա սկզբում տարօրինակ է թվացել, սակայն իրենք էլ զարմացել են, թե որքան է կարճատև քնից հետո իրենց արդյունավետությունը բարձրացել: Քնել պատրաստվողները պետք է միայն կոշիկները հանեն և կարող են մինչև 20 րոպե քնել: Ավելի երկար քնել ցանկացողներին ընկերությունը տուն է ուղարկում: Վերջերս էլ MetroNaps-ն այս գաղափարը մի նոր մակարդակի է հասցրել: Ֆուտուրիստական տեսքով այս էներգապատյանը քնել ցանկացողներին թույլ է տալիս քնել կիսապառկած դիրքով: Դրանք հիմնականում տարածում են գտել 24 ժամ աշխատող կառույցներում հիվանդանոցներում, ձեռնարկություններում, օդանավակայաններում: MetroNaps-ի հմնադիր տնօրենի խոսքով նրանք սկսել են սարքերը վաճառել նաև համալսարաններին ու առողջական կենտրոններին:

Related news

Latest News
Hashtags:   

Արդյոք

 | 

աշխատակիցներին

 | 

թույլատրվի

 | 

աշխատավայրում

 | 

աշխարհի

 | 

ընկերություններ

 | 

հաջողությամբ

 | 

կիրառում

 | 

փորձը

 | 
Most Popular (6 hours)

Most Popular (24 hours)

Most Popular (a week)

Sources