Saturday 14 December 2019
Home      All news      Contact us      English
tert.am - 25 days ago

«Թուրքիան պետք է դադարեցնի պատմական իրողությունների խեղաթյուրումը». Հունաստանի նախագահ

Հունաստանի նախագահ Պրոկոպիս Պավլոպուլոսը նշել է, որ Թուրքիան խեղաթյուրում է պատմական իրողությունները, և կոչ է արել թուրքերին հարգել Հունաստանի ինքնավարությունը, սահմաններն ու տնտեսական հատուկ գոտին: Այս մասին Պավլոպուլոսն ասել է հունական Atina գործակալությանը տված հարցազրույցում, գրում է tr.euronews.com կայքը: Մենք Թուրքիային և թուրք ժողովրդին բարեկամության և համերաշխության ձեռք ենք մեկնում: Էգեյան ծովում խաղաղ գոյակցելու համար պատմությունը պետք է միավորի, ոչ թե բաժանի երկու պետություններին ,- նշել է Հունաստանի նախագահը: Հունաստանի և Թուրքիայի հարաբերությունները վերջին ամիսներին սրվել են՝ Կիպրոսի ջրերում Թուրքիայի կատարած հորատման աշխատանքների հետ կապված: Թուրքիան հորատման աշխատանքների համար Կիպրոս էր ուղարկել Yavuz նավը, իսկ մի քանի օր առաջ Թուրքիայի փոխնախագահը հայտարարել էր, որ Կիպրոսի ջրերում հորատման աշխատանքներ կսկսի Fatih նավը: Ըստ Թուրքիայի՝ Հյուսիսային Կիպրոսի ինքնահռչակ հանրապետությունը ևս իրավունք ունի կղզու ջրերի պաշարների նկատմամբ, սակայն Կիպրոսի Հանրապետության իշխանությունները չեն համաձայնվում այդ դիրքորոշմանը՝ նշելով, որ Կիպրոսի Հանրապետությունը միակ պաշտոնապես ճանաչված պետությունն է կղզու տարածքում:

Related news

Latest News
Hashtags:   

Թուրքիան

 | 

դադարեցնի

 | 

պատմական

 | 

իրողությունների

 | 

խեղաթյուրումը

 | 

Հունաստանի

 | 

նախագահ

 | 
Most Popular (6 hours)

Most Popular (24 hours)

Most Popular (a week)

Sources