Sunday 8 December 2019
Home      All news      Contact us      English
tert.am - 19 days ago

Թբիլիսիում այսօր երկու բողոքի ակցիա է տեղի ունենալու

Վրաստանում շարունակվող բողոքի ակցիաների կազմակերպիչներից Շոթա Դիգմելաշվիլին հայտարարել է, որ այսօր՝ նոյեմբերի 19-ին, Թբիլիսիում ծրագրված է անցկացնել 2 բողոքի ակցիա՝ Թբիլիսիի քաղաքային դատարանի մոտ, որտեղ ցուցարարները կպահանջեն բողոքի ակցիաների ընթացքում ձերբակալված բոլոր անձանց ազատ արձակումը, և Ռուսթավելի պողոտայում: Այս մասին տեղեկացնում է netgazeti.ge կայքը: Դիգմելաշվիլին նշել է նաև, որ հետագա ծրագրերից խոսելը դեռևս վաղ է հավելելով միայն, որ այսօրվա բողոքի ակցիաներից հետո իրենց շարժումը խորհրդատվական հանդիպումներ կունենա ընդդիմադիր կուսակցությունների հետ: Ռուսթավելի պողոտայում բողոքի ակցիան ծրագրված է սկսել երեկոյան ժամը 19:00-ին: Ակցիաների մեկ այլ կազմակերպիչ Լեքսո Մաչավարիանին նշել է, որ իրենք կհանդիպեն ընդդիմադիր առաջնորդների հետ, բայց միայն նրանց, ովքեր գիշերն իրենց հետ միասին մնացել և պայքարել են: Երեկ՝ նոյեմբերի 18-ին, վրացի հատուկջոկատայինները ցրել էին ցույցը և բացել էին խորհրդարանի մուտքերը: Ընդդիմադիրներն արդեն մի քանի օր է՝ բողոքի ակցիաներ են կազմակերպում՝ պահանջելով գործող իշխանությունների հրաժարականն ու արտահերթ խորհրդարանական ընտրությունների անցկացում: Հիշեցնենք, որ Թբիլիսիում զանգվածային բողոքի ցույցեր են սկսվել՝ խորհրդարանի կողմից խառը ընտրական համակարգից համամասնականի անցնելու վերաբերյալ սահմանադրական բարեփոխումների ընդունման տապալման պատճառով: Ցուցարարները հայտարարել են, որ իրենք բողոքի ակցիաներ կանեն այնքան ժամանակ, քանի դեռ ընտրությունները չեն անցնի համամասնական ընտրակարգով: Ավելի վաղ Վրաստանում իշխող Վրացական երազանք կուսակցության նախագահ Բիձինա Իվանիշվիլին նշել էր, որ 2020 թվականի ընտրությունները կանցնեն համամասնական ընտրակարգով, որից հետո հոկտեմբերի վերջին խորհրդարանն անցել է Սահմանադրության մեջ համապատասխան փոփոխություններ անելուն, սակայն իշխող կուսակցությունից շատ պատգամավորներ, որոնք ընտրվել էին մեծամասնական համակարգով, չեն աջակցել այս ծրագրին, ինչի պատճառով այն տապալվել է:

Related news

Latest News
Hashtags:   

Թբիլիսիում

 | 

այսօր

 | 

երկու

 | 

բողոքի

 | 

ակցիա

 | 

ունենալու

 | 
Most Popular (6 hours)

Most Popular (24 hours)

Most Popular (a week)

Sources