Wednesday 11 December 2019
Home      All news      Contact us      English
tert.am - 22 days ago

«Հրապարակ». «Իմ քայլի» ու «Լուսավոր Հայաստանի» միջև նոր «սագա» է հասունանում. ԼՀԿ-ում դժգոհ են Փաշինյանի «անշնորհակալ, չգնահատող» կեցվածքից  

Իմ քայլի ու Լուսավոր Հայաստանի միջև նոր սագա է հասունանում. ԼՀԿ-ում շատ դժգոհ են Փաշինյանի անշնորհակալ, չգնահատող կեցվածքից, մանավանդ, որ ամենակարևոր պահերին ԼՀ-ն կանգնում է իր կողքին, երբեմն անգամ՝ իր հեղինակության հաշվին, սակայն Փաշինյանը դույզն-ինչ քննադատություն անկարող է ընդունել։ Եթե բյուջեն կազմվել է օրենքի, համամասնությունների ֆիսկալ խախտումով, չասեի՞նք ,- հարցրեց մեր զրուցակից ԼՀԿ-ականը: Դա՞ է Փաշինյանին վիրավորել։

Այո և ոչ միայն։ Նաև այն, որ իրեն կոշտ քննադատել է իր կաբինետում աշխատած նախարարը, ու այն ժամանակ, երբ Հայաստանում չէ Էդմոն Մարուքյանը, վեր է կենում, նման պոպուլիստական հայտարարություններ է անում, թե ԼՀ-ն թող կանգնի, ուղիղ ասի դե՞մ է աշխատավարձերի ու թոշակների բարձրացմանը, տերմինախեղդ չանի և այլն :

Մանե Թանդիլյանն էլ արձագանքել էր՝ ցավում եմ, որ Փաշինյանն այդպես էլ չկարողացավ դառնալ պետական գործիչ : Հիմա ի՞նչ՝ դե՞մ եք քվեարկելու բյուջեին։ Կընդունեն հարյուրից ավելի մեր առաջարկները, կողմ կքվեարկենք, ոչ չենք քվեարկի :

Ի դեպ, Ֆինանսների նախարարությունից հետաքրքրվեցինք հակվա՞ծ են ընդունել Լուսավոր Հայաստանի առաջարկները։ Ասացին, որ խորհրդարանից դեռ չեն ստացել այդ առաջարկները, կստանան՝ կհասկանան: Հարցին 4-օրյա ժամկետ չի՞ տրված դրանք ընդունելու համար, ասացին. Առնվազն 4 օր. առանձնակի սահմանափակում չկա։ Ընդ որում՝ մենք չենք նայելու, թե դա ում առաջարկն է, նայելու ենք զուտ դրանց բովանդակությանը :

Հիշենք․ բյուջեն անցնում է 50+1 ձայնով, ինչն Իմ քայլն ունի։ Սակայն, ըստ ԼՀ մեր աղբյուրի, Փաշինյանը ցանկանում է իր պաշտոնավարման մեկ տարին դիմավորել լայն կոնսենսուսով ,-գրում է թերթը:

Նյութն ամբողջությամբ կարդացեք թերթի այսօրվա համարում:

Related news

Latest News
Hashtags:   

Հրապարակ

 | 

քայլի

 | 

Լուսավոր

 | 

Հայաստանի

 | 

հասունանում

 | 

դժգոհ

 | 

Փաշինյանի

 | 

անշնորհակալ

 | 

չգնահատող

 | 

կեցվածքից

 | 
Most Popular (6 hours)

Most Popular (24 hours)

Most Popular (a week)

Sources