Monday 16 December 2019
Home      All news      Contact us      English
tert.am - 27 days ago

Թուրքիան սպառնացել է վերսկսել ռազմական գործողությունները Սիրիայում

Թուրքիայի արտգործնախարար Մևլութ Չավուշօղլուն հայտարարել է, որ Անկարան կարող է վերսկսել ռազմական գործողությունները Սիրայում: Նա նշել է, որ դա տեղի կունենա, եթե Ռուսաստանն ու ԱՄՆ-ն չկատարեն քրդական կազմավորումներին անվտանգության գոտուց հանելու պարտավորությունները: Այս մասին հայտնում է РИА Новости-ն վկայակոչելով Anadolu-ին:

Միևնույն ժամանակ Չավուշօղլուն նշել է, որ մինչ այս պահը Մոսկվան և Վաշինգտոնն իրենց խոստումները չեն կատարել: Եթե արդյունքներ չտեսնենք, կրկին կանենք այն, ինչ հարկավոր է ,- ասել է Չավուշօղլուն սպառնալով վերսկսել ռազմական գործողությունները Սիրիայում:

Հիշեցնենք, որ հոկտեմբերի 17-ին Թուրքիայի նախագահ Ռեջեփ Թայիփ Էրդողանի, ԱՄՆ փոխնախագահ Մայք Փենսի և ԱՄՆ պետքարտուղար Մայք Պոմպեոյի բանակցությունների արդյունքում Թուրքիան պարտավորվել էր 120 ժամով դադարեցնել իր գործողությունները Սիրիայի հյուսիսում, որպեսզի քրդական ջոկատները հեռանան 30 կմ-անոց անվտանգության գոտուց :

Հոկտեմբերի 22-ին Սոչիում Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպման արդյունքում կնքվել է հուշագիր, որի 5-րդ կետում նշվում է, որ սկսած հոկտեմբերի 23-ի ժամը 12:00-ից թուրք-սիրիական սահմանի սիրիական կողմում, որը դուրս է Թուրքիայի Խաղաղության ակունք գործողության շրջանից, պետք է մտնեին ՌԴ ռազմական ոստիկանության և Սիրիայի սահմանապահ ջոկատները: Նրանք պետք է նպաստեին քրդական խմբավորումների դուրսբերմանը թուրք-սիրիական սահմանից 30 կմ հեռավորության վրա, որը պետք է ավարտվեր հոկտեմբերի 23-ի ժամը 12:00-ից սկսած 150 ժամվա ընթացքում:

Related news

Latest News
Hashtags:   

Թուրքիան

 | 

սպառնացել

 | 

վերսկսել

 | 

ռազմական

 | 

գործողությունները

 | 

Սիրիայում

 | 
Most Popular (6 hours)

Most Popular (24 hours)

Most Popular (a week)

Sources