Tuesday 10 December 2019
Home      All news      Contact us      English
tert.am - 22 days ago

Վարչապետն ուզում է ներդրողներ հրավիրել, բայց տեղացի մարդուն թույլ չի տալիս ներդրում անել, իսկ Հայկ Մարությանը քաղաքից բացարձակ տեղյակ չէ. Ռուբեն Գևորգյան (տեսանյութ)

Իրավապահները ինձ ինչի պիտի հրավիրեին, ես հող գողացող մարդ չեմ, ընտանիքս հող գողացող չի, հողի համար արյուն ենք թափել: Այս մասին Tert.am-ի հետ զրույցում ասաց ԱԺ նախկին պատգմավոր, Երդվյալ ազատամարտիկների միության հիմնադիր նախագահ Ռուբեն Գևորգյանը՝ անդրադառնալով հարցին, թե արդյոք Դավթաշենի 4-րդ թաղամասի 13, 14 շենքերի հարակից հողատարածքի օտարման հետ կապված իրավապահներն իրեն դիմել են, քանի որ ԱԱԾ-ն նյութերը պետք է ուսումնասիրեր, տարածքի ապօրինի օտարման վերաբերյալ խոսել էր նաև քաղաքապետ Հայկ Մարությանը:

Ռուբեն Գևորգյանի խոսքով ՝ Հայկ Մարությանը քաղաքից բացարձակ տեղյակ չէ, ապատեղակատվություն է տարածում: Ասում է Google Earth-ով նայեցի ու ինչ տեսա՝ կանաչ տարածք, մեծ այգի է, որը փոսի է վերածվել: Եթե Google Earth-ով 2005թ. իրավիճակն է ցույց տալիս իր արխիվներով, թվայնացումը այդ ժամանակ է արվել: Իմ աղջիկը դրանով զբաղվել է 1997 թվականից: Թող մի հատ 1997-2000 թվականները նայեն ինչ տարածք է եղել: Այնտեղ, որ քեզ զոռով կանչեին տարածք տային 1 կմ, մոտ չէիր գա, չի կարելի լավը, գեղեցիկը փնովել: Փոս էլ անուն ես դրել. նախ դա փոս չէ՝ բազմաֆունկցիոնալ շենքը կառուցելու համար հիմք է փորված, որի համար 20 մլն դոլարից ավել ներդրում է արվելու: Էսօր ներդրումներից եք խոսում, վարչապետը ուզում է ներդրողներ հրավիրել, բայց տեղացի մարդուն թույլ չի տալիս ներդրում անել այն էլ 20 մլն դոլարի չափ, արդեն 4 ամիս է՝ չեն ստորագրում: Սա փոս չէ, դա ունի էսքիզ նախագծի հաստատում, բոլոր համապատասխան կառույցներն ուսումնասիրել են, իրենց թույլտվությունն են տվել ,- մանրամասնեց նա։ Ռուբեն Գևորգյանի խոսքով ՝ այդ տարածքում այգի չի եղել, այլ՝ ժայռաբեկորներ, իսկ տարածքը բարեկարգել է իր դուստրը, ով սկզբում մանկական սրճարան է որոշել կառուցել, հետո որոշել է փոխել բիզնես գործունության տեսակը:

ԱԺ նախկին պատգմավորն ասաց, որ իր թաղապետ լինելու ժամանակ հողի սեփականաշնորհման օրենք չի գործել Հայաստանում, և իր դստերը ինքը հող չի հատկացրել, այդ տարածքը սեփականացվել է այն ժամանակ, երբ արդեն թաղապետ չէր՝ համապատասխան հողի սեփականության օրենքի բոլոր իրավական դրույթների հիման վրա։ Նա նաև նշեց, որ նշված տարածքում հողային աշխատանքներ իրականացնելու համար, օրինականությունը ճշտելու համար նախկին իշխանության օրոք, ծառահատումների հետ կապված հարուցվել էր քրեական գործ, գործը կարճվել է։

Հայկ Մարությանն ինքն իրանից տեղյակ չի, ուր մնաց, թե իմանա՝ ով ում է հատկացրել, իմ աղջիկը հանձն է առել տարածքի բարեկարգումը: Մարդու ծիծաղ է գալիս ,- նշեց նա: Ռուբեն Գևորգյանը նաև ասաց, որ Դեյզի անվամբ հանրային այգի տվյալ վայրում չի եղել, Դեյզի ն իր թոռնուհու անունն է: Հիշեցնենք, որ Հայկ Մարությանը լրատվամիջոցներից մեկի հետ զրույցում դեռ օգոստոսին խոսել էր խնդրի վերաբերյալ։ Գալիս են մարդիկ՝ սա իմ հողատարածքն է, ուզում եմ այստեղ շենք կառուցել։ Ես հատիկ-հատիկ բոլորը նայում եմ և հենց տեսնում եմ՝ կասկածելի է, կա Google Earth ծրագիր, որտեղ կարողանում ես ժամանակային հետ տալ։ Հետ ես տալիս, տեսնում ես՝ մեծ այգի է, որը փոսի է վերածվել։ Սա Հողային օրենսգրքի 60-րդ հոդվածն է, տարածքն իրավունք չունի օտարվելու, բայց օտարվել է և ո՞ւմ է օտարվել՝ այդ վարչական շրջանի թաղապետի աղջկա անունով։ Ես կանգնեցնում եմ պրոցեսը, թույլ չեմ տալիս շինարարություն լինի և ասում եմ՝ ուղարկեք դատախազություն : Մանրամասները՝ տեսանյութում:

Related news

Latest News
Hashtags:   

Վարչապետն

 | 

ուզում

 | 

ներդրողներ

 | 

հրավիրել

 | 

տեղացի

 | 

մարդուն

 | 

թույլ

 | 

տալիս

 | 

ներդրում

 | 

Մարությանը

 | 

քաղաքից

 | 

բացարձակ

 | 

տեղյակ

 | 

Ռուբեն

 | 

Գևորգյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources