Monday 9 December 2019
Home      All news      Contact us      English
tert.am - 21 days ago

Բարձրագույն կրթության և գիտության մասին նոր օրենքով ստեղծվում է ապազգային միջավայր. ԳԱԱ-ն վերանում է, հայագիտական դասընթացներն էլ հանվում են պարտադիր ուսուցումից. Աշոտ Մելքոնյան (տեսանյութ)

Բարձրագույն կրթության և գիտության մասին օրենքի նախագծով ԳԱԱ-ն վերանում է, Հայոց լեզվի , Հայ գրականության և Հայոց պատմության պարտադիր դասընթացներն էլ հանվում են, դրանով ստեղծվում է ապազգային միջավայր: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ ԳԱԱ Պատմության ինստիտուտի տնօրեն, ՀՀ ԳԱԱ ակադեմիկոս Աշոտ Մելքոնյանը. Հուսանք՝ այս ամենը չիմացության արդյունքում է եղել: Նախագիծը մշակվել է՝ առանց գիտնականների և դասախոսների կարծիքը լսելու: ԳԱԱ-ից ոչ ոք չի մասնակցել դրա ստեղծմանը : Ըստ Մելքոնյանի՝ թյուր է այն կարծիքը, թե մեր ԳԱԱ-ն խորհրդային շրջանի վերապրուկ է. Գիտության այս համակարգն առաջացել է Արևմտյան Եվրոպայում, մենք այն փոխառել ենք Խորհրդային Ռուսաստանից: Համալսարանական գիտությունը հզոր է ամերիկյան մոդելում: Վրաստանում և Ղազախստանում այդ փորձը կիրառվեց, և Գիտությունների ակադեմիաները միավորվեցին պետական բուհերին, բայց արդյունքները մխիթարական չեն : Ակադեմիկոսի պնդմամբ՝ հարևան Ադրբեջանի նախագահը քաղաքական խնդիր է դնում իր պատմաբանների առջև՝ ապացուցել, որ ոչ միայն Արցախը, այլև ՀՀ-ն ադրբեջանական են, և դրա համար պատրաստ է շռայլորեն վարձատրել գիտնականներին. Մեզ մոտ, օրինակ, քանի՞սը գիտեն, որ մեր ԳԱԱ-ն հրատարակում է հայոց պատմության ութհատորյակ, որից վեց հատորն արդեն լույս է տեսել: Սա դարակազմիկ նշանակության արտադրանք է : Աշոտ Մելքոնյանի կարծիքով՝ մեր օրերի պատմությունը բավականաչափ դժվար է գրելը, քանի որ այն կդառնա հրապարակախոսություն. Օրինակ, ԱԻՄ-ը պնդում է, թե անկախության գաղափարն իրենք առաջ տարան, ՀՀՇ-ն նրանցից խլեց: Քաղաքական ուժերը շատ ցավագին են ընկալում խնդրահարույց հարցերում մեղավորի մասին գրելը: Օրինակ, քանի որ նոր փաստեր են բացահայտվել, 2008թ-ի մարտի 1-ի դրվագը պատմության դասագրքերում վերախմբագրել ենք, ըստ որի՝ ոչ թե կողմերի միջև բախումներ եղան, այլ իշխանություններն ուժ գործադրեցին: Երբ մենք փորձում ենք պոզիտիվ շարադրանք ներկայացնել, մեզ մեղադրում են, թե ինչո՞ւ գնահատական չենք տալիս, բայց դա զուտ քաղաքական խնդիր է : Ակադեմիկոսի կարծիքով՝ պատմության բուհական դասընթացը չպետք է լինի դպրոցական նյութի տաղտկալի, անհետաքրքիր վերապատմում: Ինչ վերաբերում է վերջերս վարչապետի և ընդդիմադիր ակտիվիստների զրույցից հետո ակտիվացած՝ հայոց ազգածագման հարցերին վերաբերող քննարկումներին, պատմաբանը հիշեցրել է, որ մենք հնդեվրոպացի ենք, ոչ թե կովկասցի, անգամ աշխարհագրորեն կապ չունենք Հարավային Կովկասի հետ: Մենք կովկասյան լեռնաշղթայից 500-600 կմ հեռու ենք: Պատկերացրեք վանեցուն կամ սասունցուն իր ազգային տարազով՝ որպես կովկասցի: Կովկասցին փափախը գլխին, չերքեզկան հագած, սուրը կողքին կախած կերպար է: Ի՞նչ կապ ունենք մենք նրանց հետ: Մենք ոչ թե կովկասյան, այլ հնդեվրոպական ժողովուրդ ենք ,- ամփոփել է ակադեմիկոսը: Դավիթ Սարգսյան

Related news

Latest News
Hashtags:   

Բարձրագույն

 | 

կրթության

 | 

գիտության

 | 

մասին

 | 

օրենքով

 | 

ստեղծվում

 | 

ապազգային

 | 

միջավայր

 | 

վերանում

 | 

հայագիտական

 | 

դասընթացներն

 | 

հանվում

 | 

պարտադիր

 | 

ուսուցումից

 | 

Մելքոնյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources