Tuesday 10 December 2019
Home      All news      Contact us      English
tert.am - 22 days ago

Հոնկոնգում ցուցարարներն այրել են Պոլիտեխնիկական համալսարան տանող կամուրջը (լուսանկար)

Հոնկոնգում ծայրահեղ տրամադրված ցուցարարների ու ոստիկանների միջև երկօրյա բախումների հետևանքով տեղի պոլիտեխնիկական համալսարանի տարածքը վերածվել է ռազմական գոտու : Այս մասին տեղեկացնում է dw.com կայքը: Չդադարող ցույցերի ֆոնին, լույս նոյեմբերի 18-ին, երբ ոստիկանները փորձել են ներխուժել բուհի շենք, այնտեղ գտնվող ցուցարարները դուրս են եկել և այրել են բուհի մոտ գտնվող կամուրջը: Կիրակի ուշ երեկոյան ցուցարարները ոստիկանների ուղղությամբ սկսել են Մոլոտովյան կոկտեյլներ նետել, երբ վերջիններս նրանց կոչ են արել դուրս գալ շենքից՝ հակառակ դեպքում սպառնալով պատասխանատվության ենթարկել բոլորին ապստամբություն բարձրացնելու համար: Ցույցերը չեն դադարել ամբողջ կիրակի օրը: Առավոտյան ժամը 10-ին առանց համարանիշների Ֆորդ մակնիշի ավտոմեքենայի վարորդը մեքենան քշել է ոստիկանական շարքերի ուղղությամբ: Ոստիկանները կրակ են բացել նրա ուղղությամբ, բայց վարորդին հաջողվել է թաքնվել: Ոստիկաններն արդեն ձերբակալել են տասնյակ ցուցարարների, սպասվում է, որ զանգվածային ձերբակալությունները կշարունակվեն: Ոստիկանությունը նշել է, որ ցուցարարներից առգրավված ամենավտանգավոր իրերը նրանք գողացել էին բուհի լաբորատորիայից: Հարձակումներ են տեղի ունեցել և՛ ոստիկանների, և՛ ցուցարարների կողմից: Ծայրահեղական ցուցարարները ոստիկանների ուղղությամբ աղյուսներ և Մոլոտովյան կոկտեյլներ են նետել՝ օգտագործելով հաստատության տանիքին տեղադրված ձեռնաշեն կատապուլտները: Ոստիկանությունը մարտական փամփուշտներ կիրառելու պատրաստակամություն է հայտնել: Հիշեցնենք, որ ամռան սկզբին Հոնկոնգում զանգվածային ցույցեր էին սկսվել ընդդեմ կառավարության փորձի՝ ընդունել օրինագիծ, ըստ որի՝ տեղի օրինախախտներին կարելի կլիներ հանձնել Չինաստանին: Սեպտեմբերի վերջին ցույցերն է՛լ ավելի են սրվել: Ցուցարարները պահանջում են նաև ազատ արձակել ցույցերի մասնակիցներին և Հոնկոնգի ընտրական համակարգը դարձնել ժողովրդավարական:

Related news

Latest News
Hashtags:   

Հոնկոնգում

 | 

ցուցարարներն

 | 

այրել

 | 

Պոլիտեխնիկական

 | 

համալսարան

 | 

տանող

 | 

կամուրջը

 | 

լուսանկար

 | 
Most Popular (6 hours)

Most Popular (24 hours)

Most Popular (a week)

Sources