Friday 6 December 2019
Home      All news      Contact us      English
tert.am - 18 days ago

Աղվերանում գտնվող պանսիոնատը հանձնվել է «Եվրոպական համալսարան» հիմնադրամին, նշված գույքը չի կարող հանդիսանալ Արթուր Բաղդասարյանի սեփականությունը․ բուհը հերքում է տարածել

Եվրոպական համալսարանը հերքում է լրատվամիջոցներով տարածած այն լուրի առնչությամբ, համաձայն որի Կապի, տրանսպորտի նախկին նախարարն ու Օրինաց Երկիր կուսակցության նախագահ Արթուր Բաղդասարյանը կասկածվում են 5 մլն դոլար արժողությամբ պանսիոնատը իրենցով անելու մեջ ։ Համալսարանի ներկայացուցիչների պնդմամբ՝ այդ տեղեկությունները կեղծ են և աղերս չունեն իրականության հետ: Հերքումն ամբողջությամբ ներկայացնում ենք ստորև․ Համաձայն մամուլում տարածված տեղեկատվության Ռ. Խ.-ն գլխավոր դատախազություն բողոք է ներկայացրել և հայտնել, որ 2013թ.-ին ՀՀ տրանսպորտի և կապի նախարար Գուրգեն Սարգսյանը ՀՀ պետական գույքի կառավարման որոշմամբ Կոտայքի մարզի Աղվերան համայնքում գտնվող մոտ 5 մլն դոլար արժողությամբ պանսիոնատներից մեկը, հակառակ ՀՀ սահմանադրությամբ նախատեսված կարգի, անհատույց հանձնել է Օրինաց Երկիր կուսակցության ղեկավար Արթուր Բաղդասարյանին : Նախ նշենք, որ Գուրգեն Սարգսյանը, որպես կապի և տրանսպորտի նախարար, պաշտոնավարել է 2008-2010թթ. ընկած ժամանակաշրջանում և բնականաբար ըստ մամուլի տեղեկատվության 2013թ.-ին ոչ միայն չէր կարող որպես նախարար նման գործարք իրականացնել, այլ նաև օրենսդրությամբ չուներ պետական գույք օտարելու որևէ իրավասություն։ Քանի որ վերոհիշյալ գույքը պատկանում է Եվրոպական համալսարանին, հարկ ենք համարում հերքել այդ տեղեկատվությունը և հայտնել հետևյալը. Կոտայքի մարզի Աղվերան համայնքում գտնվող պանսիոնատը համաձայն 2011 թվականի դեկտեմբերի 1-ի ՀՀ կառավարության N 1700-Ա որոշման, հանձնվել է Եվրոպական կրթական տարածաշրջանային ակադեմիա հիմնադրամին (ներկայումս Եվրոպական Համալսարան հիմնադրամ) և գտնվում է վերջինիս հաշվեկշռում՝ այսինքն նշված գույքը ո՛չ օտարվել է և ո՛չ էլ վաճառվել։ Քանի որ Եվրոպական Համալսարան հիմնադրամը համաձայն Հիմնադրամների մասին ՀՀ օրենքի շահույթի նպատակ չհետապնդող կազմակերպություն է, իսկ վերջինիս հնարավոր լուծարման դեպքում նրա գույքը դառնում է Հայաստանի Հանրապետության սեփականությունը, ապա պատկերն ավելի ամբողջական է դառնում։ Ավելին, Եվրոպական համալսարանը հանդիսանում է ՀՀ կառավարության որոշմամբ և մասնակցությամբ հիմնադրված և միջազգային մասնակցությամբ հանրային բուհ, հետևաբար նշված գույքը չի կարող հանդիսանալ որևէ ֆիզիկական անձի, այդ թվում՝ Արթուր Բաղդասարյանի սեփականությունը: Որոշմանը ամբողջությամբ կարող եք ծանոթանալ հետևյալ հղմամբ։

Related news

Latest News
Hashtags:   

Աղվերանում

 | 

գտնվող

 | 

պանսիոնատը

 | 

հանձնվել

 | 

Եվրոպական

 | 

համալսարան

 | 

հիմնադրամին

 | 

նշված

 | 

գույքը

 | 

կարող

 | 

հանդիսանալ

 | 

Արթուր

 | 

Բաղդասարյանի

 | 

սեփականությունը․

 | 

բուհը

 | 

հերքում

 | 

տարածել

 | 
Most Popular (6 hours)

Most Popular (24 hours)

Most Popular (a week)

Sources