Monday 9 December 2019
Home      All news      Contact us      English
tert.am - 21 days ago

Որդիս առողջական որոշակի խնդիրներ ունի, այդ պատճառով չմեկնեցի Իտալիա. նոր մարզչական շտաբի հետ տարաձայնություններ չունեմ. Ռոման Բերեզովսկի

Հայաստանի ֆուտբոլի ազգային հավաքականի դարպասապահների մարզիչ Ռոման Բերեզովսկին, որը չկարողացավ թիմի հետ մեկնել Իտալիա անձնական խնդիրների պատճառով, ՀՖՖ պաշտոնական կայքի միջոցով պարզաբանել է իրավիճակը և հաջողություն մաղթել հավաքականին առաջիկա խաղում:

Հունաստանի հավաքականի հետ խաղից հետո ստիպված եղա շտապ կերպով մեկնել Ռուսաստան. որդիս առողջական որոշակի խնդիրներ ունի, և ես անպայման պետք է նրա կողքին լինեի: Հենց այդ պատճառով չկարողացա հավաքականի հետ մեկնել Իտալիա, ինչի համար շատ ցավում եմ:

Այդուհանդերձ, վերջին օրերին բազմաթիվ զանգեր և նամակներ ստացա, մեկնաբանություններ կարդացի, որոնցում նշվում էր, թե իմ՝ հավաքականի հետ չմեկնելու պատճառը նոր մարզչական շտաբի հետ որոշակի անհամաձայնությունը կամ կոնֆլիկտն է: Այդ կապակցությամբ ուզում եմ նշել, որ ինչպես անձնական, այնպես էլ գործնական շատ լավ հարաբերությունների մեջ եմ Աբրահամ Խաշմանյանի և մարզչական շտաբի մյուս անդամների հետ:

Ինձ շատ է դուր գալիս Աբրահամ Խաշմանյանի աշխատելաոճը: Հետագայում ևս մեծ սիրով կաշխատեմ ազգային հավաքականի մարզչական շտաբում: Ափսոսում եմ, որ այժմ տղաների կողքին չեմ և հաջողություն եմ մաղթում Իտալիայի հավաքականի հետ խաղում :

Related news

Latest News
Hashtags:   

Որդիս

 | 

առողջական

 | 

որոշակի

 | 

խնդիրներ

 | 

պատճառով

 | 

չմեկնեցի

 | 

Իտալիա

 | 

մարզչական

 | 

շտաբի

 | 

տարաձայնություններ

 | 

չունեմ

 | 

Ռոման

 | 

Բերեզովսկի

 | 
Most Popular (6 hours)

Most Popular (24 hours)

Most Popular (a week)

Sources