Monday 9 December 2019
Home      All news      Contact us      English
tert.am - 22 days ago

Փհենյանը ԿԺԴՀ-ում մարդու իրավունքների խախտման առնչությամբ ՄԱԿ-ի ընդունած բանաձևը սադրանք է անվանել

ՄԱԿ-ի՝ Կորեայի ժողովրդադեմոկրատական Հանրապետությունում մարդու իրավունքների ոտնահարումը դատապարտող բանաձևը Փհենյանը սադրանք է անվանել, գրում է РИА Новости-ն՝ հղում անելով ԿԺԴՀ-ի արտգործնախարարության հայտարարությանը։

ՄԱԿ-ի գլխավոր ասամբլեայի 74-րդ նստաշրջանը ճնշումների ներքո ընդունել է ԿԺԴՀ-ում մարդու իրավունքների ոտնահարման վերաբերյալ բանաձևը։ Մենք առանց վարանելու նշված բանաձևը թշնամի ուժերի կողմից քաղաքական ճնշման միջոց ենք դիտարկում, որի նպատակը մեր պետական կարգը բռնի կերպով և ամբողջությամբ տապալելն է․ մենք դատապարտում ենք այդ բանաձևի ընդունումը ,- հայտարարել է ԿԺԴՀ-ի արտգործնախարարությունը։

Հայտարարության մեջ նաև նշվում է, որ ՄԱԿ-ը ԱՄՆ-ի խամաճիկն է և գործում է նրա ցուցումներով, ինչը հերթական անգամ ապացուցվեց բանաձևի ընդունման փաստով։

Հիշեցնենք, որ ՄԱԿ-ի գլխավոր ասամբլեայի՝ Սոցիալական և հումանիտար հարցերով երրորդ հանձնաժողովը նոյեմբերի 14-ին ընդունել է բանաձև, որով կոչ է արվում ԿԺԴՀ-ին պատասխանատվության ենթարկել՝ մարդու իրավունքների կոպիտ ոտնահարման համար։

Related news

Latest News
Hashtags:   

Փհենյանը

 | 

մարդու

 | 

իրավունքների

 | 

խախտման

 | 

առնչությամբ

 | 

ընդունած

 | 

բանաձևը

 | 

սադրանք

 | 

անվանել

 | 
Most Popular (6 hours)

Most Popular (24 hours)

Most Popular (a week)

Sources