Monday 9 December 2019
Home      All news      Contact us      English
tert.am - 23 days ago

«Ապագան սկսվում է այսօր» .Շուշիում մեկնարկել է համահայկական ուսանողական ֆորումը. Artsakhpress.am

Շուշիում մեկնարկել է Ապագան սկսվում է այսօր խորագրով համահայկական ուսանողական ֆորումը, որը կազմակերպվել է Շուշիի տեխնոլոգիական համալսարանի նախաձեռնությամբ: Արցախպրես -ի հաղորդմամբ՝ Շուշիի տեխնոլոգիական համալսարանի ուսանողական խորհրդի նախագահ Արամ Հարությունյանն ասել է, որ ֆորումի նպատակն է ստեղծել մի միջավայր, որտեղ տարբեր բուհերի ուսանողները հնարավորություն կունենան ծանոթանալ միմյանց հետ, փոխանակվել սեփական փորձով և հանդես գալ նոր նախաձեռնություններով: Փորձում ենք հայաստանյան բուհերի հետ համագործակցել, և կարծում եմ՝ այս ֆորումը առավել կամրապնդի այդ համագործակցությունը ու համատեղ իրականացվող ծրագրերի հիմք կհանդիսանա: Եռօրյա ֆորումին մասնակցում են Արցախի և Հայաստանի Հանրապետությունների թվով 10 բուհերի 140 ուսանողներ: Ֆորումի շրջանակներում նախատեսվում են թրեյնինգներ, որոնք վերաբերելու են Արցախի տնտեսական զարգացմանը, Հայաստանի քաղաքական դաշտի կայացմանը հետպատերազմյան շրջանում, արդիական բիզնես-պրոյեկտների և իննովացիոն տեխնոլոգիաները բիզնեսում թեմային: Նախատեսված է նաև ինտելեկտուալ խաղ, որի հաղթող թիմերը կստանան անակնկալ պարգևներ ,- նշել է Ա. Հարությունյանը: Ճարտարապետության և շինարարության Հայաստանի ազգային համալսարանի ուսանողական խորհրդի նախագահ Արմեն Հարությունյանն իր հերթին նշել է, որ ֆորումից մեծ ակնկալիքներ կան՝ հետագայում ուսանողության հետ կապը պահելու և ավելի լայն շրջանակներում համագործակցություն ծավալելու առումով: Կարևորում եմ այս ֆորումի անցկացումը Արցախում և կարծում եմ, որ շփումը Հայաստանի և Արցախի ուսանողների միջև հնարավորություն կտա ավելի բարեկեցիկ ու անվտանգ ապագա կերտելու տեսլականը ներկայացնել: Ֆորումի շրջանակներում մեր բուհական փորձով կփորձենք կիսվել Արցախի ուսանողների հետ և համատեղ քննարկել կրթական այն բարեփոխումները, որոնք կյանքի են կոչվում արդի ժամանակներում ,-ավելացրել է Ա. Հարությունյանը:

Related news

Latest News
Hashtags:   

Ապագան

 | 

սկսվում

 | 

այսօր

 | 

Շուշիում

 | 

մեկնարկել

 | 

համահայկական

 | 

ուսանողական

 | 

ֆորումը

 | 

Artsakhpress

 | 
Most Popular (6 hours)

Most Popular (24 hours)

Most Popular (a week)

Sources