Monday 16 December 2019
Home      All news      Contact us      English
tert.am - 1 month ago

Ես կոշտ գնահատականներ եմ տվել այն սխալներին, որոնք վտանգավոր են ՀՀ-ի համար. եթե Նիկոլ Փաշինյանը գար, մենք շատ կոշտ խոսակցություն կունենայինք, բայց չեկավ՝ չունեցանք. Վազգեն Մանուկյան

Ես կոշտ գնահատականներ եմ տվել այն սխալներին, որոնք վտանգավոր են Հայաստանի համար: Այստեղ քաղաքական երանգ կա, բայց սա վերկուսակցական մարմին է, որը փորձում է կուսակցություններին համախմբել մի հարցի շուրջ: Այս մասին լրագրողների հետ զրուցում ասաց Վերնատուն հասարակական-քաղաքական ակումբի հիմնադիրներից Վազգեն Մանուկյանը։ Նա քաղաքականություն մտնելու և ապագայում կուսակցություն ձևավորելու հարցին պատասխանեց, որ այդ ակումբը վերկուսակցական է, բայց հիշեցրեց, որ նա ԱԺՄ կուսակցության նախագահն է, և անպայման ԱԺՄ կուսակցությունը վերականգնելու է: Գարնան ամիսներին համագումար կանենք, և դա կնշանակի, որ մտել եմ քաղաքականություն ,- ասաց Մանուկյանը և պատասխանելով ֆինանսավորում ստանալու հարցին՝ նշեց, որ շատ մասնակիցներ կան, որ իրենց միջոցներով օգնում են. ամեն ինչ անհատական է: Հարցին, թե ինչպես է վերաբերվում այն պնդումներին, որ նախկին իշխանությունից ֆինանսավորում է ստանում և կապեր ունի նրանց հետ, Մանուկյանը պատասխանեց. Ես հանդիպումներ ունեցել եմ միշտ, բոլորի հետ: Մենք միասին պատերազմ ենք անցել: Երբ Ռոբերտ Քոչարյանը կարճ ժամանակով դուրս եկավ, մենք էլի հանդիպեցինք: Եթե Նիկոլ Փաշինյանը ուզի, իր հետ էլ կհանդիպեմ: Մանուկյանի խոսքով՝ պետք է մարդկանց միջից հանել այն միտքը, որ ինչ-որ չար դաշտ կա: Ըստ նրա՝ բոլոր մարդկանց մեջ սևեր և սպիտակներ կան, և նրանք թե՛ սխալներ են արել, թե՛ հերոսություններ: Թույլ մի տվեք՝ ձեզ այդպես խաբեն ,- ասաց նա: Մանուկյանը դուրս է եկել Հանրային խորհրդի կազմից, և ճշտող այն հարցին, թե ինչն էր խանգարում, որ այսօր քննարկվող հարցերը Հանրային խորհրդում բարձրացներ, նա ասաց, որ Հանրային խորհրդի գործառույթները տարբերվում են հիմա իրականացվող գործառույթներից: Այստեղ հարցերն ավելի քաղաքական են քննարկվում: Հանրային խորհուրդը միսիան այն է, որ հարցերը քննարկեն վարչապետի հետ և առաջարկություններ արեն: Սերժ Սարգսյանի կառավարման ժամանակ նման քննարկումներ անում էինք, բայց փակ, և հանդիպում էինք նրա հետ. բավական սուր վեճեր էին լինում ,- նշեց նա և հավելեց, որ ցավոք Նիկոլ Փաշինյանի հետ չհաջողվեց այդ ձևաչափը պահել: Ինչ համար կարևոր է, որ երկրի ղեկավարը տեսլական ունենա, հստակ ձևակերպի, թե ինչպիսի Հայաստան է ուզում կառուցել: Եթե գար, մենք շատ կոշտ խոսակցություն կունենայինք, բայց չեկավ՝ չունեցանք ,- ասաց նա:

Related news

Latest News
Hashtags:   

գնահատականներ

 | 

սխալներին

 | 

որոնք

 | 

վտանգավոր

 | 

համար

 | 

Նիկոլ

 | 

Փաշինյանը

 | 

խոսակցություն

 | 

կունենայինք

 | 

չեկավ՝

 | 

չունեցանք

 | 

Վազգեն

 | 

Մանուկյան

 | 
Most Popular (6 hours)

Most Popular (24 hours)

Most Popular (a week)

Sources