Friday 6 December 2019
Home      All news      Contact us      English
tert.am - 21 days ago

Մենք չպետք է երազանքներով կամ ռոմանտիզմով առաջնորդվենք, սերնդափոխությունն անհրաժեշտ է, բայց ի՞նչ ունենք մենք. Խաշմանյան

Armsport-ը գրում է.

Հայաստանի հավաքականի գլխավոր մարզիչ Աբրահամ Խաշմանյանը Հունաստանի հավաքականի հետ կայանալիք խաղից առաջ լրագրողների հետ հանդիպման ժամանակ կիսվել է սպասելիքներով.

Երանելի վիճակում չենք՝ հաշվի առնելով բազմաթիվ ֆուտբոլիստների կորուստը, բայց ֆուտբոլ է, մենք իրավունք չունենք կառչել այդ փաստից ու մտածել որևէ բացասական բանի մասին: 3 օրվա մեջ փորձել ենք անել առավելագույնը: Կարող եմ ասել, որ ազգային հավաքականը պատրաստ է հույների հետ խաղին: Նպատակը մեկն է՝ քաղել առավելագույնը ,- ասել է Խաշմանյանը:

Խոսելով Հունաստանի հավաքականի մասին՝ Աբրահամ Խաշմանյանն ընդգծել է, որ լավ ուսումնասիրել են մրցակցին, որը հանդես է գալու ամբողջովին փոխված կազմով. Դիտելով նրանց վերջին երկու խաղերը՝ կարող եմ ասել, որ շատ կազմակերպված ու արդյունավետ ֆուտբոլ են ցուցադրում :

Աբրահամ Խաշմանյանը, պատասխանելով այն հարցին, թե որքանով է պատրաստ երկրպագուների ճնշմանը, ովքեր առավելագույնն են սպասում հավաքականից, նշել է, որ իր սպասելիքները ևս շատ մեծ են. Մենք ևս առավելագույնն ենք սպասում, բայց պետք է գիտակցենք, թե ինչ ունենք այսօր մեր ձեռքի տակ: Ոչ մի կերպ չենք կառչելու կորուստներից, ու ամեն ինչ անելու ենք, որպեսզի մեր թիմն առավելագույնը քաղի: Ուզում եմ բոլորս կենտրոնանանք հենց խաղի վրա :

Խոսելով հավաքականը գլխավորելու շարժառիթների մասին՝ Աբրահամ Խաշմանյանը հստակ պատասխանել է. Դրդեց, համոզեց ստացել եմ կոնկրետ հրավեր, ընթացել են բանակցություններ: Սա մեր ազգային հավաքականն է: Դրդելու հարց չկա: Բանակցություններից հետո սիրով համաձայնել եմ գլխավորել: Այո, մինչ այս չեմ խոսել հավաքականների մասին, քանի որ գտել եմ՝ կոռեկտ չէ, երբ մեկը, ով հավաքականների հետ սերտ կապեր չունի, խոսում է հավաքականներից: Խուսափել եմ դրանից ,- խոստովանել է Աբրահամ Խաշմանյանն ու անդրադարձել նաև ընտրանու կազմը երիտասարդացնելուն.

Մենք չպետք է երազանքներով կամ ռոմանտիզմով առաջնորդվենք: Պետք է ամեն ինչին ռեալ նայենք: Իսկ ի՞նչ կարող ենք անել սերնդափոխության համար: Ի՞նչ սերունդ ունենք մենք: Այսօր բոլորը խոսում են սերնդափոխության մասին, այո արդեն ժամանակն է, բայց այսօր 7 ֆուտբոլիստ բացակայում է հավաքականի ճամբարից, նրանք բարձրակարգ խաղացողներ են Մխիթարյանի գլխավորությամբ, ովքեր տարիներ շարունակ հավաքականին համար տվել են այն, ինչ կարողացել են: Բայց պետք է հասկանանք, որ նրանք արդեն 30-անց են: Սերնդափոխությունն անհրաժեշտ է, բայց ինչ ունենք մենք: Ինչո՞վ պետք է սերնդափոխություն անենք ուղղակի խոսքերո՞վ: Ունենք Էրիկ Վարդանյան, ով հրավիրվել է հավաքական, բայց նա դեռ պետք է կայանա որպես հավաքականի ֆուտբոլիստ: Հավաքականը չի կարող լինել փորձադաշտ: Սա ամենաբարձր կետն է: Շատ եմ լսում, որ օրինակ աշխարհի որևէ երկրի 4-րդ լիգայում հանդես եկող խաղացողին կոչ են անում հրավիրել հավաքական չի կարելի այդ մտածելակերպով առաջնորդվել: Այո, պետք է լինի սերնդափոխություն, բայց ոչ փորձարկումներ: Իսկ սերնդափոխության համար պետք են ռեսուրսներ, ինչը մենք այսօր չունենք: Տարիներ շարունակ ասել են մենք պատրաստում ենք ֆուտբոլիստներ Ազգային հավաքականին համար ո՞ւր են այդ ֆուտբոլիստները, ցույց տվեք ,- իր մտահոգությունն է հայտնել Աբրահամ Խաշմանյանը:

Մասնագետը խոսել է նաև տևական դադարից հետո հավաքական հրավիրված Գևորգ Կասպարովի և Արթուր Սարկիսովի մասին.

Առաջին հերթին իմ բոլոր որոշումները բխել են ու բխելու են ֆուտբոլային դաշտից, բայց բոլոր որոշումների մեջ կա նաև մարդկային գործոնը: Կասպարովին ևս պատահական չեմ հրավիրել հավաքական: Նման խաղացողներին, ովքեր ամբողջ կյանքում խաղացել են լավ մակարդակում, հոգի են տվել, պրոֆեսիոնալ են, մենք պետք է նրանց հարգանքի տուրք տանք: Իմ որոշումն այսօր նաև այդ պատճառով եմ կայացրել: Կլինեն մյուս ֆուտբոլիստները, կստանան նույն վերաբերմունքը: Այդուհանդերձ, իմ բոլոր որոշումները նախևառաջ բխում են ֆուտբոլի դաշտից: Ինչո՞ւ չպետք է հրավիրեմ Գևորգին, որն իր ակումբում շատ լավ է խաղում, շատ լավ մարզավիճակում է գտնվում, այլ հրավիրեմ մի դարպասապահի, ով իր թիմում պահեստայինների նստարանին է նստած:

Ինչ վերաբերում է Սարկիսովին, ապա 3 օրվա արդյունքներով չեմ կարող ասել, թե ինչ վիճակում է գտնվում, բայց ցանկությունը շատ մեծ է: Նա ևս ապացուցելու բաներ ունի ,- ասել է Աբրահամ Խաշմանյանը:

Related news

Latest News
Hashtags:   

չպետք

 | 

երազանքներով

 | 

ռոմանտիզմով

 | 

առաջնորդվենք

 | 

սերնդափոխությունն

 | 

անհրաժեշտ

 | 

ունենք

 | 

Խաշմանյան

 | 
Most Popular (6 hours)

Most Popular (24 hours)

Most Popular (a week)

Sources