Friday 6 December 2019
Home      All news      Contact us      English
tert.am - 22 days ago

2018-ին ժողովրդի ընդվզումը չբերեց համակարգային փոփոխությունների, մեկուկես տարում կարող էին առնվազն հիմքը դնել. Արա Հակոբյան (տեսանյութ)

Մեր պատկերացրած ազգային օրակարգն այն է, որի իրականացմամբ մենք ազգային պետություն ունենալու հնարավորություն կստանանք: Արմնյուզ ՀԸ #ՕրաԽնդիր հաղորդմանը նման կարծիք է հայտնել Ազգային օրակարգ նորաստեղծ կուսակցության խորհրդի նախագահ Արա Հակոբյանը։

Ազգային պետության հիմնական խնդիրը անվտանգություն, արդարություն, ազատություն ապահովելն է, հայի և հայկականության պատմական և քաղաքակրթական դերը վերականգնելը , ասել է նա: Ըստ Հակոբյանի՝ մենք այսօր ունենք և՛ հնարավորություններ, և՛ վտանգներ, բայց առայժմ չունենք ազգային պետություն, քանի որ դեռևս 1995-ի ԱԺ ընտրությունների արդյունքում ձևավորվել է կորպորատիվ բնույթի իշխանական համակարգ, որն առկա է մինչև այսօր. 2018-ի ժողովրդի ընդվզումը չբերեց համակարգային փոփոխությունների: Մեկուկես տարում կարող էին առնվազն հիմքը դնել: Վերընթաց, կայուն զարգացումը պետք է հիմնված լինի արդիականի վրա՝ ազգայինի և առաջադիմականի համադրմամբ: Հին համակարգի քաղաքական դաշտի մշակույթը դեռևս մնացել է : Արա Հակոբյանի կարծիքով՝ մեր արտաքին քաղաքականության ամենամտահոգիչ միտումն անորոշությունն է. Լավրովը Երևանում դիվանագիտորեն ասաց, որ կա հակամարտության երեք կողմ, բայց երկու ժողովուրդ: Երեք ժողովրդի թեզն ինքնին անհասկանալի է: Լավրովը նաև հաստատեց, որ քննարկվում են մադրիդյան սկզբունքները: Հայկական կողմը ի դեմս վարչապետի և ԱԳ նախարարի, հստակ չի ասում՝ սեղանին ի՞նչ սկզբունքներ են դրված, ինչի՞ շուրջ են բանակցությունները :

Քաղաքական գործչի պնդմամբ՝ հեղափոխությունից անմիջապես հետո հնարավոր էր հասնել մադրիդյան սկզբունքների չեղարկման կամ առնվազն փոփոխության, հիմա շատ ավելի դժվար կլինի այս ուղղությամբ քայլ անել. Արցախի անկախությունը պետք է ճանաչվի ինքնորոշման իրավունքի սկզբունքի հիման վրա, մյուս փուլում այն պետք է միանա ՀՀ-ին, և մենք ունենանք ընդհանրական Հայաստան, սա պետք է լինի ճանապարհային քարտեզը: Սրա մասին խոսո՞ւմ ենք՝ ոչ, դա՞ ենք բանակցում՝ չգիտենք : Արա Հակոբյանի կարծիքով՝ պարզ չէ, թե ինչի շուրջ է համաձայնություն տվել Ադրբեջանը, քանի որ 2011-ին հենց նրանք հրաժարվեցին Կազանի փաստաթղթի ստորագրումից. Բաքուն իր դիրքորոշումներում կայուն է ու հետևողական և չի դադարում նույն բանը պնդել: Նրանք անգամ Զանգեզուրն ու Երևանն են համարում վիճելի տարածքներ : Արա Հակոբյանի պնդմամբ՝ պետք է հասկանալ, թե ինչ ասել է՝ Երևանը պատրաստ է առանց նախապայմանների հարաբերությունները կարգավորել Անկարայի հետ: Թուրքիայի նախապայմանն Արցախն է: Մենք պետք է կարողանանք դիրքավորվել և՛ աշխարհաքաղաքական, և՛ տարածաշրջանային կենտրոնների հետ հարաբերություններում, ու մեր դիրքը պետք է լինի հստակ ,- ամփոփել է քաղաքական գործիչը:

Դավիթ Սարգսյան

Related news

Latest News
Hashtags:   

ժողովրդի

 | 

ընդվզումը

 | 

չբերեց

 | 

համակարգային

 | 

փոփոխությունների

 | 

մեկուկես

 | 

տարում

 | 

կարող

 | 

առնվազն

 | 

հիմքը

 | 

Հակոբյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources