Sunday 8 December 2019
Home      All news      Contact us      English
tert.am - 24 days ago

Տեսակցությունների արգելքը թյուրիմացություն չէր, որոշումը կայացնողը և թյուրիմացության մասին հայտարարող Սասուն Խաչատրյանը պետք է պատասխանատվություն կրեն․Ա․Բաբայանի պաշտպան

Քրեակատարողական հիմնարկում իմ տեսակցությունների արգելքը կամ թյուրիմացություն էր ՀՀ-ում ամբողջ ծավալով, կամ թյուրիմացություն չէր, այլ պատժիչ գործողություննների մաս էր կազմում․ այս մասին լրագրողների հետ հանդիպմանը հայտարարեց ԱԺ աշխատակազմի ղեկավարի նախկին տեղակալ Արսեն Բաբայանն անդրադառնալով ՀՔԾ պետ Սասուն Խաչատրյանի հայտարարությանը, թե Բաբայանի տեսակցությունների արգելքը թյուրիմացություն է եղել: Բաբայանի պաշտպան Լուսինե Սահակյանն էլ ընդգծեց իր համար տարօրինակ է, որ վարույթ իրականացնող մարմնի ղեկավարը հայտարարում է, որ թյուրիմացություն է տեղի ունեցել, այսինքն թյուրիմացաբար մարդու իրավունք են խախտել: Իրենք ընդունում են, որ, ի սկզբանե, իրավունք չեն ունեցել այդ արգելքը սահմանել, բայց այն սահմանվել է: Եթե կա իրավունքի խախտում, պետք է լինի այն անձի համարժեք պատասխանատվություն, ով կայացրել է այդ որոշումը, որոշակի պատասխանատվություն ունի նույն այդ անձը, ով հայտարարում է, թե թյուրիմացություն է տեղի ունեցել ,-ասաց Սահակյանը: Ըստ փաստաբանի նմանատիպ քրեական գործերում որոշումները քննիչները չեն կայացնում: Քաղաքական որոշումները մի քանի ատյաններում քննարկվում են, ուստի ես թյուրիմացությունը բացառում եմ ,-նշեց Սահակյանը: Արսեն Բաբայանն էլ հավելեց, թե նման ապօրինությունների ծավալ ո՛չ տեսել, ո՛չ լսել էր: Այս տեսակ ապօրինությունները Հայաստանում աննախադեպ էին. աննախադեպ էր, որ քրեական գործում չկար օրենքի պահպանման որևէ կետ ,-նշեց ԱԺ աշխատակազմի ղեկավարի նախկին տեղակալը: Հիշեցնենք, որ հոկտեմբերի 21-ին պաշտոնեական կեղծիք կատարելու կասկածանքով ձերբակալվել էր Ազգային ժողովի աշխատակազմի ղեկավարի նախկին տեղակալ Արսեն Բաբայանը։ Ըստ ՀՔԾ-ի՝ քրեական օրենսգրքի 300-րդ հոդվածի 1-ին՝ իշխանությունը զավթելու մասով հարուցված քրեական գործի նախաքննության ընթացքում փաստական տվյալներ են ձեռք բերվել այն մասին, որ պաշտոնատար անձինք Սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում, խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով կատարել են պաշտոնեական կեղծիքներ։ Նկատի ունենալով, որ բացահայտվել է առերևույթ կատարված նոր հանցագործության դեպք, Հատուկ քննչական ծառայությունում Քրեական օրենսգրքի 314-րդ հոդվածի 1-ին՝ պաշտոնական կեղծիք կատարելու մասով հարուցվել է նոր քրեական գործ, որը միացվել է իշխանությունը յուրացնելու դեպքի առթիվ հարուցված քրեական գործին: Այս գործը հարուցվել էր պատգամավոր Արման Բաբաջանյանի հաղորդման հիման վրա: Հիշեցնենք նաև, որ ՀՀ գլխավոր դատախազի խորհրդական Գոռ Աբրահամյանը հայտնել էր, որ Հայաստանի Հելսինկյան կոմիտե հասարակական կազմակերպության նախագահ Ավետիք Իշխանյանի և ՀՀ ԱԺ պատգամավոր Սիսակ Գաբրիելյանի կողմից ներկայացվել է մեղադրյալ Արսեն Բաբայանի որպես խափանման միջոց անձնական երաշխավորությունը կիրառելու վերաբերյալ դիմումներ՝ որպես երաշխիքի գումար, 500.000-ական ՀՀ դրամ փոխանցելու վերաբերյալ անդորրագրերի պատճենների հետ միասին՝ 2019 թվականի նոյեմբերի 12-ին որոշում է կայացվել մեղադրյալ Արսեն Բաբայանի նկատմամբ կիրառված խափանման միջոց կալանավորումը փոփոխելու և նրա նկատմամբ որպես խափանման միջոց անձնական երաշխավորությունը կիրառելու վերաբերյալ:

Related news

Latest News
Hashtags:   

Տեսակցությունների

 | 

արգելքը

 | 

թյուրիմացություն

 | 

որոշումը

 | 

կայացնողը

 | 

թյուրիմացության

 | 

մասին

 | 

հայտարարող

 | 

Սասուն

 | 

Խաչատրյանը

 | 

պատասխանատվություն

 | 

կրեն․Ա․Բաբայանի

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources