Ոչ մի կառավարության օրոք չի եղել դեպք, որ տրանսգենդերները թքեն մեր պետության երեսին, մտնեն ոստիկանություն, ոստիկաններին ծեծեն ու անպատիժ մնան. Գ. Պետրոսյան (տեսանյութ)

Մենք թշնամիներ չենք, պետք է հասկանանք, որ բոլորս գտնվում ենք մեկ նավի մեջ, և այդ նավը գնում է խորտակման, իմքայլականների մեջ էլ կան ավանդապաշտ, շատ հարգելի մարդիկ, խնդրում եմ չվերածել քաղաքական վեճի: Այս մասին ԱԺ-ում լրագրողների հետ զրուցում ասաց ԱԺ ԲՀԿ խմբակցության պատգամավոր Գևորգ Պետրոսյանը՝ անդրադառնալով Tert.am-ի հարցին, թե արդյոք միասեռականների կողմից երեխա որդեգրելու արգելքի վերաբերյալ օրինագիծը ներկայացնելուց հետո, նիստերի դահլիճից դուրս իշխող խմբակցության ներկայացուցիչների հետ վեճը շարունակվել է: Ես պատրաստ եմ լսել, թե ով ինչ է ասում, ինձ հլը թող մի հատ մոտենա, տենամ՝ էդ ինչ հարց է տալիս դուրսը: Ասում եմ՝ իմքայլականների մեջ էլ կան շատ պարկեշտ մարդիկ, կարգին տղերք, որ իրանք էլ կիսում են իմ ասածը ,-նշեց նա: Անդրադառնալով մեր դիտարկմանը, թե նշում են, որ ՀՀ-ում գոյություն չունեցող խնդրի մասին էր նախագիծ ներկայացրել՝ Գևորգ Պետրոսյանն ասաց. Ես հարգանքով եմ վերաբերվում իմ բոլոր ընդդիմախոսներին, այդ թվում նաև՝ Արարատ Միրզոյանին, չնայած՝ չեմ հասականում՝ ինչի ինքը իրադրությունը լարեց, բայց Քրեական օրենսգրքում կան հոդվածներ, որոնք երբևէ չեն կիրառվել: Օրինակ՝ ծովահենության հանցակազմը, բայց ինչի ներմուծում, որովհետև ՀՀ-ն ունի պարտավորվածություն, որ, ասենք, որոշակի հանցագործությունների դեպքում հանձման ինստիտուտ կա, հանձնում կատարի և ՀՀ քրեական օրենսգրքում լինի հոդված, որով մենք կարողանանք պատասխնատվության ենթարկել ՀՀ այն քաղաքացուն, որը ՀՀ-ից դուրս զբաղվել է այլ գործունեությամբ, և էլի շատ հոդվածներ կան: Այսինքն՝ ինչ է նշանակում, պետք է ընկնենք պրոբլեմի մեջ հետո իմաստուն ձևանանք : Ըստ նրա՝ իր ներկայացրած նախագիծը կանխարգելիչ նշանակություն ուներ: Ոչ մի կառավարության օրոք չի եղել, որ տրանսգենդերները կառավարության շենքի մոտ իրենց լավ զգան, թքեն մեր պետության երեսին, ոչ մի կառավարության օրոք չի եղել, որ մտնեն ոստիկանության բաժին, ոստիկաններին ծեծեն ու անպատիժ մնան, կամ տրանսգենդերը գա ԱԺ-ից ելույթ ունենա -ընդգծեց նա: Մանրամասները՝ տեսանյութում: