Monday 9 December 2019
Home      All news      Contact us      English
tert.am - 25 days ago

«ԱԺ արտահերթ ընտրությունների դեպքում իշխանությունը հազիվ 25-30 % ձայն կստանա, ժողովուրդը հիասթափված է». Վիգեն Ստեփանյանը ԿԳՄՍ նախարարի  հրաժարականը պահանջող ուսանողների կողքին է (տեսանյութ)

Որպես հայ, որպես Երևանի բնակիչ չեմ կարող հասկանալ ԿԳՄՍ-ի այսօրվա քայլերը. ինձ համար անհասկանալի, անընդունելի են: Այս մասին ԵՊՀ ուսանողների և ՀՅԴ երիտասարդների ԿԳՄՍ նախարար Արայիկ Հարությունյանի հրաժարականի պահանջով Կառավարության դիմաց անցկացվող բողոքի ակցիայի ընթացքում հայտարարեց ՀՀ արվեստի վաստակավոր գործիչ Վիգեն Ստեփանյանը: Չեմ կարծում բողոքի ակցիային իրավունք ունեմ միանալ, բայց գաղափարապես ուսանողների կողքին եմ ,-նշեց նա: Ամենակարևորը եթե մենք մեր լեզուն, մեր հիմքը, մեր հիմնաքարը չհարգենք, փորձենք սակարկել այդ թեմաներով, թողնել, գնալ չեն քննարկվում նման բաներ: Դրա փոխարեն թող զբաղվեն նրանով, թե ինչերեն են խոսում այսօր հեռուստատեսությամբ, ոնց են աղավաղում մեր մայրենին ,-ասաց դերասանը: Վիգեն Ստեփանյանի կարծիքով Հարությունյանի հրաժարականով էական ոչինչ չի փոխվի. նրա փոխարեն կարող է գալ իր նման մեկ այլ անձ: Օրինակ մշակույթի նախկին նախարար Լիլիթ Մակունցը գնաց, եկավ Նազենի Ղարիբյանը: Ի՞նչ փոխվեց: Ինչ էլ փոխվեց, փոխվեց դեպի վատը : Անդրադառնալով ՀՀ վարչապետ Նիկոլ Փաշինյանի երեկ ԱԺ-ում արված հայտարարությանը, թե ինքն Արայիկ Հարությունյանի կողքին է, Ստեփանյանն ասաց. Ես չեմ զարմանում: Եթե մարդն ասում է ինչ ուզում եք, արեք, միևնույն է նա է լինելու նախարար, նշանակում է այդքան էլ չի հարգում ժողովրդի կարծիքը : Դերասանն անդրադարձավ մեծ աղմուկ հանած ՀուԶանք ու Զանգ ներկայացմանն ու Մել ֆիլմին, որոնք ֆինանսավորում են ստացել ՀՀ պետբյուջեից: Մետրոյի առաջ իբր թե ներկայացում են խաղում, և դրա համար մեծ գումար է հատկացվում: Այդ գումարով, թերևս, երկու մանկական ներկայացում իրականացվեր: Ֆիլմ են նկարում ինչ-որ սեռափոխված կնոջ, թե տղամարդու, ծանրորդի մասին: Ես, երբ լսեցի, թե վարչապետն ասաց պետությունը ֆինանսավորում է միայն չեմպիոնի մասին պատմող հատվածը, չգիտեի ծիծաղեի, թե չէ ,-ասաց Ստեփանյանը: Վերջինիս կարծիքով նման իրադարձությունները պատճառ են դարձել, որ ժողովուրդը հիասթափվի: Եթե հանկարծ արտահերթ խորհրդարանական ընտրություններ լինեն, եթե իշխանությունն առաջ 40 տոկոսից ավելի ձայն էր ստացել, հիմա, վախենամ, 25-30 տոկոս լինի: Մարդիկ արդեն չեն հավատում ,-նշեց ՀՀ արվեստի վաստակավոր գործիչը: Հիշեցնենք արդեն մի քանի օր է ԿԳՄՍ նախարարի հրաժարականի պահանջով բողոքի ակցիաներ են իրականացվում ԵՊՀ հայ բանասիրության ֆակուլտետի ուսանողների, ինչպես նաև ՀՅԴ Հայաստանի երիտասարդական միության ներկայացուցիչների մասնակցությամբ։ Պահանջի պատճառը մեծ աղմուկ բարձրացրած ՀուԶանք ու Զանգ ներկայացումն է, որի ֆինանսավորման համար ԿԳՄՍՆ-ն տրամադրել է 2 700 000 դրամ, ինչպես նաև ԿԳՄՍՆ նոր օրինագիծը, որով նախատեսվում է բուհերում Հայոց լեզու և Հայոց պատմություն առարկաները դարձնել ոչ պարտադիր։

Related news

Latest News
Hashtags:   

արտահերթ

 | 

ընտրությունների

 | 

դեպքում

 | 

իշխանությունը

 | 

հազիվ

 | 

կստանա

 | 

ժողովուրդը

 | 

հիասթափված

 | 

Վիգեն

 | 

Ստեփանյանը

 | 

նախարարի

 | 

 հրաժարականը

 | 

պահանջող

 | 

ուսանողների

 | 

կողքին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources