Sunday 8 December 2019
Home      All news      Contact us      English
tert.am - 25 days ago

Արսեն Բաբայանի և նրա պաշտպանների մամուլի ասուլիսը՝ ուղիղ

Տեղի է ունենում ԱԺ աշխատակազմի ղեկավարի նախկին տեղակալ Արսեն Բաբայանի և նրա պաշտպանների՝ Լուսինե Սահակյանի, Երվանդ Վարոսյանի և Լուսինե Մարտիրոսյանի մամուլի ասուլիսը: Վերջիններս անդրադառնում են Արսեն Բաբայանին առաջադրված մեղադրանքին, նրան 22 օր կալանքի տակ պահելուն և ազատ արձակմանը։

Հիշեցնենք, որ հոկտեմբերի 21-ին պաշտոնեական կեղծիք կատարելու կասկածանքով ձերբակալվել էր Ազգային ժողովի աշխատակազմի ղեկավարի նախկին տեղակալ Արսեն Բաբայանը։ Ըստ ՀՔԾ-ի՝ քրեական օրենսգրքի 300-րդ հոդվածի 1-ին՝ իշխանությունը զավթելու մասով հարուցված քրեական գործի նախաքննության ընթացքում փաստական տվյալներ են ձեռք բերվել այն մասին, որ պաշտոնատար անձինք Սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում, խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով կատարել են պաշտոնեական կեղծիքներ։

Նկատի ունենալով, որ բացահայտվել է առերևույթ կատարված նոր հանցագործության դեպք, Հատուկ քննչական ծառայությունում Քրեական օրենսգրքի 314-րդ հոդվածի 1-ին՝ պաշտոնական կեղծիք կատարելու մասով հարուցվել է նոր քրեական գործ, որը միացվել է իշխանությունը յուրացնելու դեպքի առթիվ հարուցված քրեական գործին: Այս գործը հարուցվել էր պատգամավոր Արման Բաբաջանյանի հաղորդման հիման վրա:

Հիշեցնենք նաև, որ ՀՀ գլխավոր դատախազի խորհրդական Գոռ Աբրահամյանը հայտնել էր, որ Հայաստանի Հելսինկյան կոմիտե հասարակական կազմակերպության նախագահ Ավետիք Իշխանյանի և ՀՀ ԱԺ պատգամավոր Սիսակ Գաբրիելյանի կողմից ներկայացվել է մեղադրյալ Արսեն Բաբայանի որպես խափանման միջոց անձնական երաշխավորությունը կիրառելու վերաբերյալ դիմումներ՝ որպես երաշխիքի գումար, 500.000-ական ՀՀ դրամ փոխանցելու վերաբերյալ անդորրագրերի պատճենների հետ միասին՝ 2019 թվականի նոյեմբերի 12-ին որոշում է կայացվել մեղադրյալ Արսեն Բաբայանի նկատմամբ կիրառված խափանման միջոց կալանավորումը փոփոխելու և նրա նկատմամբ որպես խափանման միջոց անձնական երաշխավորությունը կիրառելու վերաբերյալ:

Related news

Latest News
Hashtags:   

Արսեն

 | 

Բաբայանի

 | 

պաշտպանների

 | 

մամուլի

 | 

ասուլիսը՝

 | 

ուղիղ

 | 
Most Popular (6 hours)

Most Popular (24 hours)

Most Popular (a week)

Sources