Thursday 5 December 2019
Home      All news      Contact us      English
tert.am - 21 days ago

«1915թ.-ի դեպքերի լուծումը պետք է տան ոչ թե քաղաքական գործիչները, այլ պատմաբանները». Էրդողանը խոսել է Հայոց ցեղասպանության մասին ԱՄՆ Ներկայացուցիչների պալատի ընդունած որոշման մասին

Թուրքիայի նախագահ Ռեջեփ Թայիփ Էրդողանն ԱՄՆ կատարած այցի շրջանակում հայտարարել է, որ ԱՄՆ Կոնգրեսի Ներկայացուցիչների պալատի կողմից Հայոց ցեղասպանության մասին բանաձևի ընդունումը ստվեր է գցում թուրք-ամերիկյան հարաբերությունների վրա: Այս մասին տեղեկացնում է թուրքական NTV հեռուստաալիքի կայքը: Ներկայացուցիչների պալատի կողմից ընդունված բանաձևերը ստվեր են գցում թուրք-ամերիկյան հարաբերությունների վրա և դժկամությամբ են ընդունվում մեր ժողովրդի կողմից ,- հայտարարել է Էրդողանը: Թուրքիայի նախագահը հերթական անգամ նշել է, որ 104 տարի առաջ տեղի ունեցած իրադարձությունների պատասխանն ու լուծումները պետք է տան պատմաբանները, այլ ոչ թե քաղաքական գործիչները ՝ ավելացնելով, որ Թուրքիան բացել է բոլոր արխիվները, և ցանկացողները կարող են գալ և ուսումնասիրել դրանք: Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ է քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չի քվեարկել: Նույն օրը Ներկայացուցիչների պալատն ընդունել է նաև Սիրիայի հյուսիսում ռազմական գործողության համար Թուրքիայի նկատմամբ պատժամիջոցներ սահմանելու մասին բանաձևը:

Related news

Latest News
Hashtags:   

1915թ

 | 

դեպքերի

 | 

լուծումը

 | 

քաղաքական

 | 

գործիչները

 | 

պատմաբանները

 | 

Էրդողանը

 | 

խոսել

 | 

Հայոց

 | 

ցեղասպանության

 | 

մասին

 | 

Ներկայացուցիչների

 | 

պալատի

 | 

ընդունած

 | 

որոշման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources