Wednesday 11 December 2019
Home      All news      Contact us      English
tert.am - 28 days ago

Խորհրդարանը ոչինչ չորոշող մարմին է. Հայաստանում բոլոր հարցերը լուծվում են մեկ անձի կողմից. քաղտեխնոլոգ

Ազգային ժողովի դերակատարության, որակի և մի շարք այլ հարցերի շուրջ Tert.am-ը զրուցել է քաղտեխնոլոգ Արմեն Բադալյանի հետ: Նա կարծում է, որ Ազգային ժողովը գործող իշխող քաղաքական համակարգում էական դերակատարություն չունեցող մարմին է, փաստացի խորհրդարանն ինչպես նախկինում, այնպես էլ հիմա՝ խորհրդարանական համակարգում, ոչինչ չորոշող մարմին է: -Պարո՛ն Բադալյան, որքանո՞վ եք հետևում Ազգային ժողովի նիստերին, և ինչպե՞ս կգնահատեք դրանք՝ հաշվի առնելով, որ պատգամավորներն իրենց բուն անելիքը թողած փոխադարձ մեղադրանքներ են հնչեցնում միմյանց հասցեին: -Ազգային ժողովի նիստերին հետևում եմ այնքանով, որքանով տվյալ պահին ինձ անհրաժեշտ է լինում ,որովհետև ԱԺ-ն Հայաստանում գործող քաղաքական համակարգում էական դերակատարություն չունեցող մարմին է, այնտեղ գրեթե որևիցԷ հարց չի լուծվում: Մեր երկրում հիմնական հարցը լուծում է վարչապետը, իսկ Ազգային ժողովը, կարելի է ասել, վարչապետին կից ինչ-որ մարմին է, որը վարչապետի համար անհրաժեշտ որոշումներն է դակում: Այդ իսկ պատճառով նրա դերակատարությանն ու գործունեությանը այդքան խիստ ուշադրություն դարձնելն իմաստ չունի: Ինչ վերաբերում է, որ այնտեղ ինչ-որ հարցեր են պարզում, դա նորություն չէ և աշխարհի շատ խորհրդարաններում նման երևույթներ կան, անգամ ձեռնամարտներ են տեղի ունենում: ԱԺ-ում, բնականաբար, լուրջ հարցեր չեն քննարկվում, չեն էլ կարող քննարկվել, որովհետև Հայաստանը զարգացման դրական օրակարգ չունի, որը քննարկման առարկա կդառնա Ազգային ժողովում: ԱԺ-ն հավաքվում է իր հերթական, սովորական պարտականությունները իրականացնելու և ավարտելու համար: Այ երբ Հայաստանը կունենա զարգացման դրական օրակարգ, որը բավական լուրջ քննարկումների կարիք կունենա, Ազգային ժողովում էլ կլինի այնպիսի իրավիճակ, որ կներկայացնի հասարակության բոլոր խավերի քաղաքական տրամադրությունները, այդ ժամանակ նրա աշխատանքներին կարելի կլինի հետևել: Չմոռանանք՝ այս ԱԺ-ն ձևավորվեց այն ժամանակ, երբ Հայաստանում տիրում էր հետհեղափոխական էյֆորիան: -Բայց չէ՞ որ Հայաստանն արդեն խորհրդարանական երկիր է, իսկ խորհրդարանն էլ, կարելի է ասել, առաջին քաղաքական մարմինն է: -Մենք, այո, դե յուրե խորհրդարանական, բայց դե ֆակտո անձնիշխան կառավարման համակարգում ենք գտնվում. այսինքն՝ Հայաստանում բոլոր հարցերը կոնկրետ մեկ անձի կողմից է լուծվում: Փաստացի կյանքն ուրիշ է, իրավական կյանքն ուրիշ է, և դա նորություն չէ: Վերջին 30 տարվա ընթացքում էլ, երբ մենք նախագահական համակարգում ենք եղել, էլի խորհրդարանն էական նշանակություն չի ունեցել, որովհետև Սահմանադրությամբ ու փաստաթղթերով ժողովրդավարական երկիր ենք եղել, իսկ իրական, փաստացի կյանքում ժողովրդավարական չենք եղել, հիմա այդ նույն ավանդույթը շարունակվում է, այստեղ որևէ նորություն չկա: -Անկախ կառավարման համակարգի փոփոխությունից, ըստ Ձեզ, խորհրդարանն ինչպես եղել է ոչինչ չորոշող մարմին, այդպես էլ շարունակո՞ւմ է մնալ: -Այո, փաստացի խորհրդարանն ինչպես նախկինում էր ոչինչ չորոշող մարմին եղել, այնպես էլ հիմա: Քաղաքական այն ուժը և նրա ղեկավարը, որը մինչև իշխանության գալն անընդհատ քննադատում էր սուպերվարչապետության ինստիտուտը, իշխանության գալուց հետո ցույց տվեց, որ մտադիրություն չունի փոխել դա և ստեղծել իրավահավասար իսնտիտուտների կառավարման համակարգ, որտեղ օրենսդիր, գործադիր և դատական իշխանությունները կլինեն իրար հավասար և փոխադարձ լրացնող ու զսպող մարմիններ: Մենք տեսանք, որ այդ գիծը մերժվեց մենիշխան քաղաքական ուժի և նրա ղեկավարի կողմից: Հայաստանում ստեղծվել է փաստացի անձնիշխան կամ նախագահական կառավարման համակարգ, իսկ նման կառավարման համակարգը ոչ ժողովրդավարական համակարգ է ու այս իրավիճակներում Ազգային ժողովն իրենից ոչինչ չի ներկայացնում: Երբ մեզ մոտ կլինի իրական ժողովրդավարական համակարգ, այդ դեպքում ԱԺ-ն ինչ-որ արժեք կունենա, իսկ հիմա չունի: -Համակա՞րգն է մեղավոր, թե՞ խորհրդարանի որակն էլ կապ ունի: -Դա համակարգից չի, որովհետև համակարգը ստեղծում են մարդիկ: Դա գալիս է ոչ թե խորհդարանի պատգամավորների ինտելեկտուալ մակարդակից, այլ առաջին դեմքի ցանկությունից. եթե առաջին դեմքը ցանկություն ունենա երկրում իրական ժողովդրավարություն ստեղծել, կստեղծի, եթե ցանկություն չունի, չի ստեղծի: Երբ առաջին դեմքն առնվազն ոստիկանությունն ու ՊԵկ-ը կդարձնի հաշվետու ԱԺ առջև և դրանից հետո ինքը Սահմանադրությունում համապատասխան փոփոխություններ կներկայացնի, ցույց կտա զարգացման վեկտորը, թե ինչպիսի երկիր է ուզում, որ լինի Հայաստանը 10-15 տարի հետո, մնացած ոլորտների զարգացման հայեցակարգերը կներկայացնի և այդ հայեցակարգերից բխող օրենքներ կներկայացնի, որոնք կգնահատվեն որպես ժողովրդավարությունն ամրապնդող գործողությունը և մենք առարկայորեն կտեսնենք սուպերվարչապետի ինստիտուտի հրաժարականը և դատարանի վրա գործեր կարելու հին ու բարի ավանդույթից հրաժարումը, բազմաթիվ այլ գործողություններ: Այդ դեպքում կասենք, այո, եկել է առաջին դեմք, որն ուզում է Հայաստանում ժողվորդարավարություն հատստաել, քանի այդպես չի եղել, շարունակվելու է այն, ինչ եղել է նախորդ 30 տարիների ընթացքում: -Բայց վարչապետը պդնում է՝ Հայաստանը ժողովրդավար է առավել քան երբևէ: -Նախկին 30 տարվա ընթացքում առաջին դեմքերը հակառա՞կն էին պնդում, ասո՞ւմ էին Հայաստանում ավտորիտար համակարգ է և ժողովրդից ոչինչ կախվա՞ծ չէ. բոլորն էլ նույնն են ասում: Երբ մենք տեսնում ենք, որ իշխանությունները ուղղակի գրոհ են ձենռարկում ՍԴ նախագահի դեմ միայն նրա համար, որ ՍԴ նախագահն իրենց չի ենթարկվում, իբր թե նա նախկինների կողմից է նշանակված, խանգարում է ժողովրդավարությանը, բայց չեն նշում, թե այդ ինչպե՞ս է Սահմանադրական դատարանը խանգարում Հայաստանում ժողովրդավարությանը, այդ ի՞նչ է Հայաստանի իշխանությունը ժողովրդավարության զարգացման ուղղությամբ ցանկանում իրականացնել, որ ՍԴ-ն էլ էդ ճանապարհին ինչ-որ քար է դնում, կանխում է զարգացումը: Ուղղակի քանի որ իրենց չի ենթարկվում, այսպես ասեմ՝ վնգստացող դատավորներ չեն ՍԴ նախագահն ու նրա դատավորները, այդ պատճառով գրոհ են սկսել նրա դեմ: Բայց այդ նույն ժամանակ մենք տեսնում ենք, որ նախկին իշխանությունների դրած դատախազը գերազանց կատարում է իշխանությունների ցանկությունները և նրա նկատմամբ ոչ մի խնդիր չի առաջանում, տեսնում ենք՝ ԿԸՀ նկատմամբ որևիցե խնդիր չի առաջանում: Մենք տեսնում ենք, որ Ազգային վիճակագրական ծառայությունը ղեկավարող մարդիկ, ըստ այն ժամանակվա ընդդիմադիրների, նկարում էին տարբեր տեսակի վիճակագրական թվեր, իսկ հիմա նույն մարդիկ ղեկավարում են այդ նույն կառույցը և նրանց նկատմամբ որևիցե խնդիր չկա... նման բազմաթիվ օրինակներ կան, ուրեմն անկախ նրանից իշխանությունները ինչ կասեն, ինչ չեն ասի, Հայաստանում բոլոր իշխանություններն էլ ասել են ժողովրդավար երկիր ենք, իրենց ասելով չի, որ Հայաստանում լինում է ժողովրդավարություն, թե չէ, դա գնահատվում է ժողովրդի կողմից, փորձագետների կողմից:

Related news

Latest News
Hashtags:   

Խորհրդարանը

 | 

ոչինչ

 | 

չորոշող

 | 

մարմին

 | 

Հայաստանում

 | 

բոլոր

 | 

հարցերը

 | 

լուծվում

 | 

կողմից

 | 

քաղտեխնոլոգ

 | 
Most Popular (6 hours)

Most Popular (24 hours)

Most Popular (a week)

Sources