Saturday 7 December 2019
Home      All news      Contact us      English
tert.am - 24 days ago

ՀՀ տնտեսությունը միասնական է, չի կարելի բաժանարար գիծ քաշել՝ մինչև 2018 թ. և դրանից հետո. եթե դրական լուծումներ են եղել, օգտվեք դրանցից. Բագրատ Ասատրյան (տեսանյութ)

Տարին կամփոփենք մոտ 7 տոկոս տնտեսական աճով, ընդ որում՝ ներառական տնտեսական աճի միտումը գալիս է դեռևս 2017 թ.: Արմնյուզ ՀԸ #ՕրաԽնդիր հաղորդմանը նման կարծիք է հայտնել տնտեսագետ, ՀՀ կենտրոնական բանկի նախկին նախագահ Բագրատ Ասատրյանը: Ըստ նրա՝ կարևոր միտում է վերամշակող արդյունաբերության, տեղեկատվական տեխնոլոգիաների, առևտրի և սպասարկման ոլորտների աճը՝ ի հակադրություն հանքարդյունաբերության ոլորտի ավանդական գերակշռության. Այսօր պետք է մտածել գիտատար, աշխատատար, բարձրտեխնոլոգիական ոլորտների մասին: Կարևոր է շինարարության ոլորտը՝ այն և՛ ներդրում է, և՛ աշխատատեղ : Ըստ տնտեսագետի՝ ամենազարգացած տնտեսություններն էլ ունեն ստվեր, առանց դրա անհնար է: Մեր գյուղատնտեսությունը ստվերային է, շինարարության կամ ծառայությունների ոլորտում մեծ ստվեր կա, ընդ որում՝ խոսքն ավելի շատ փոքր տնտեսվարողների մասին է: Սա ռեժիմ է, որին տնտեսությունը հարմարվել է, չի կարելի կացնով կոտրել այն ,- կարծում է Բագրատ Ասատրյանը: Լավ է, որ բյուջեն հավաքագրվում է, բայց այն պետք է նաև արդյունավետ ծախսել, մի բան, որը չկա: 9 ամսվա ցուցանիշով մենք ունենք պրոֆիցիտ, բայց մենք պետք է լինենք դեֆիցիտային: ՀՀ-ն մեկն է, ՀՀ տնտեսությունը միասնական է, չի կարելի բաժանարար գիծ քաշել՝ մինչև 2018 թ. և դրանից հետո: Եթե դրական լուծումներ են եղել, օգտվեք դրանցից: Հեղափոխական գնահատականների պահն անցել է ,- ասել է Ասատրյանը՝ հավելելով, որ պետությունը պետք է ձգտի բյուջետային ծրագրերն իրականացնել. Մենք մեր հարկերը տալիս ենք, որ պետությունը լուծի որոշակի խնդիրներ: Ի՞նչ է նշանակում տնտեսել, դա նշանակում է ծրագիրը չկատարել, ինչն անթույլատրելի է մեր պահանջների տեսանկյունից: 9 ամսվա հաշվարկով գանձապետական միասնական հաշվում ավելի քան 350 միլիարդ դրամ պահեստավորված գումար կա: Այսպես չպետք է լինի : Բագրատ Ասատրյանի պնդմամբ՝ իշխանության դանդաղկոտությունն անհանգստացնող է, քանի որ տնտեսական աճի տեմպը կորսվում է. Կոռուպցիան արմատախիլ անելուց հետո վերահսկողության նոր մեխանիզմներ դեռ չկան: Յուրաքանչյուր մակարդակում վախենում են վճիռներ կայացնելուց: Իշխանությունը պետք է արագ գործի, տնտեսությունը չի կարող սպասել, մինչև օրինականություն կհաստատվի : Բագրատ Ասատրյանի խոսքով՝ տեղի ունեցած փոփոխությունները բավարար չեն: Պետք չէ սպասել, որ ներդրումների հոսք է լինելու: Ինստիտուցիոնալ փոփոխությունների կարիք կա: Թիվ մեկ խնդիրը դատաիրավական համակարգն է: Ներդրումների հարցում իշխանությունը պետք է իրավական երաշխիքներ ապահովի ,- ամփոփել է Ասատրյանը: Դավիթ Սարգսյան

Related news

Latest News
Hashtags:   

տնտեսությունը

 | 

միասնական

 | 

կարելի

 | 

բաժանարար

 | 

քաշել՝

 | 

մինչև

 | 

դրանից

 | 

դրական

 | 

լուծումներ

 | 

օգտվեք

 | 

դրանցից

 | 

Բագրատ

 | 

Ասատրյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources