Thursday 5 December 2019
Home      All news      Contact us      English
tert.am - 22 days ago

Այսօր, փաստացի, գիտության ֆինանսավորումը մոտ 12.6 մլրդ դրամ է, մոտ այնքան, որքան պետական համակարգում բյուջեի պարգևատրումների ֆոնդը. գիտնական

Գիտության ոլորտում իրավիճակն օրհասական է, խորը ճգնաժամային խնդրի առաջ ենք կանգնել: Այս մասին լրագրողների հետ հանդիպմանն ասաց երիտասարդ գիտնական Տիգրան Քոթանջյանը անդրադառնալով 2020թ.-ի պետական բյուջեում գիտությանը հատկացվող ֆինանսավորմանը, որը նախատեսվում է կրճատել 1.5 մլրդ դրամով: Երկու տարի անընդմեջ գիտության ֆինանսավորումը չի բարձրացվել: Գիտության ոլորտում կտրուկ քայլեր են պետք, որոնք, 30 տարի է, չեն արվում: Երբ պետության կողմից բավարար ֆինանսավորում, բավարար աջակցություն չկա, այսինքն գիտությունը կարևորությամբ վերջին տեղն է զբաղեցնում, և տակն ինչ-որ մնաց, մի բան տալիս են, թե յոլա գնացեք, այդ վիճակում մասնավորն ու հասարակությունն էլ սկսում են նույնատիպ վերաբերմունք ցուցաբերել գիտնականների ու գիտության հանդեպ ,-ասաց Քոթանջյանը նշելով, թե շատ այլ ոլորտների, ի տարբերության գիտության, մեծ բյուջե են հատկացնում: Այսօր, փաստացի, գիտության ֆինանսավորումը մոտ 12.6 մլրդ դրամ է, որպես օրինակ ասեմ պետական համակարգում բյուջեի պարգևատրումների ֆոնդը ևս 12 մլրդ դրամ է: Այսինքն պետական համակարգում պարգևատրումների ֆոնդը մոտ այնքան է, որքան գիտության ֆինանսավորումը: Դա ՀՆԱ-ի 0.2 տոկոսն է ընդամենը ,-նշեց գիտնականը ընդգծելով, թե այս պայմաններում էլ Հայաստանում գիտությունը բավականին լավ արդյունքներ է տալիս: Բայց դա հավերժ լինել չի կարող: Գիտաշխատողների նվազման միտում կա: Պետք է կտրուկ գումարային ներդրումներ անել, որպեսզի գիտնականների աշխատավարձերը դառնան արժանապատիվ, որպեսզի երիտասարդները մնան գիտության ոլորտում, որպեսզի դպրոցականները, որոնք ավարտում են, ցանկանան գիտությամբ զբաղվել: Համալսարաններում էլ այդ ուղղությունները դարձել են ոչ պոպուլյար ,-ասաց Քոթանջյանը նշելով, թե այս պահին Հայաստանում գիտնականների թիվը հասել է 4000-ի, մշտական արտագաղթ կա: Երիտասարդները համալսարանն ավարտելուց հետո մտնում են գիտության մեջ, այնուհետև կայանում են, կայանալուց հետո, չստանալով բավականաչափ աշխատավարձ, կամ մեկնում են արտասահման, կամ փոխում են ոլորտը: Մեզ էլ ասում են արկածախնդիր մարդիկ եք, գնում, այդ ցածր աշխատավարձի դիմաց աշխատում եք, դրա փոխարեն ծրագրավորող, մատուցող աշխատեք, տաքսի վարեք կամ արտասահման գնացեք ,-նշեց գիտնականն հավելելով, թե խնդրի լուծումը կախված է քաղաքական կամքից, մեկ որոշմամբ հնարավոր է հարցը լուծել:

Related news

Latest News
Hashtags:   

Այսօր

 | 

փաստացի

 | 

գիտության

 | 

ֆինանսավորումը

 | 

այնքան

 | 

որքան

 | 

պետական

 | 

համակարգում

 | 

բյուջեի

 | 

պարգևատրումների

 | 

ֆոնդը

 | 

գիտնական

 | 
Most Popular (6 hours)

Most Popular (24 hours)

Most Popular (a week)

Sources