Friday 13 December 2019
Home      All news      Contact us      English
tert.am - 30 days ago

Մել Դալուզյանն իմ անձնական պաշտպանության ներքո է, հպարտ եմ, որ մշակույթի նախարարությունը կայացրել է ֆիլմը ֆինանսավորելու որոշումը. Նիկոլ Փաշինյան. Aysor.am (տեսանյութ)

Հանրության արձագանքի պատճառով, որ բոլորը թարս են նայել իրեն, հետևից փսփսացել են, էդ մարդը կանգնել է ինքնասպանության եզրին ու հասկացել՝ պրոբլեմի լուծման միակ ճանապարհը Հայաստանից թողնել-հեռանալն է, ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանն՝ անդրադառնալով սեռափոխված ծանրամարտիկ Մել Դալուզյանի մասին ֆիլմի նկարահանման համար բյուջեից 20 միլիոն դրամ հատկացնելուն, տեղեկացնում է Aysor.am ը։

Երբ որ ինքը չեմպիոն է, մենք կկանգնենք, կնկարվենք հետը, երբ որ պրոբլեմ ունի՝ քեզ հետ գործ չունենք, իմ պատկերացումն էսպիսին չէ։ Ես տեղյակ չեմ եղել, որ որոշում է կայացվել ֆինանսավորել այդ ֆիլմը, բայց ես շատ գոհ եմ, որ ֆինանսավորվել է այդ ֆիլմը , - ասաց Նիկոլ Փաշինյանը։

Նա նշեց՝ ֆիլմի շուրջ բարձրացված աղմուկը համարում է էժանագին պրոպագանդա։ Համարում եմ դա կոռուպցիոն տաշտակից, լափամանից զրկվածների պրոպագանդա։ Նրանք էդ լափամանին մոտ չեն գալու, որովհետև լափամանը չկա, լափը չկա ու իրանց ուտելու հնարավորությունները հավերժ փակված են , - ասաց վարչապետը։

Նիկոլ Փաշինյանը նշեց, որ Մել Դալուզյանն իր անձնական պաշտպանության ներքո է։ Ամոթ եմ համարում, որ մարդուն էսքան հեշտությամբ Հայաստանում ոտերի տակ են գցում, հիմա էդ մարդը Հայաստանից փախել է, էլի փրկություն չունի, էլի ամեն օր քոռ դանակով մորթում են։ Ես ասում եմ՝ գոհ եմ ու հպարտ մեր մշակույթի նախարարությունից, որ էդ որոշումը կայացրել են, կեցցե՛ն իրանք , - ասաց ՀՀ վարչապետը։

Նրա ելույթից հետո ԱԺ Իմ քայլը խմբակցության պատգամավորները ծափահարեցին վարչապետին։

Related news

Latest News
Hashtags:   

Դալուզյանն

 | 

անձնական

 | 

պաշտպանության

 | 

ներքո

 | 

հպարտ

 | 

մշակույթի

 | 

նախարարությունը

 | 

կայացրել

 | 

ֆիլմը

 | 

ֆինանսավորելու

 | 

որոշումը

 | 

Նիկոլ

 | 

Փաշինյան

 | 

Aysor

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources