Saturday 14 December 2019
Home      All news      Contact us      English
tert.am - 1 month ago

Եթե կառավարությունը «Մել» ֆիլմի նման ֆիլմեր է ֆինանսավորում, դա անջնջելի խարան է կառավարության վրա. Հրանտ Մելիք-Շահնազարյան

Ես հետևում եմ նրանց, և նրանց բարձրաձայնած հարցերը մտահոգում են ինձ և ուժերիս ներածին չափով նպաստում եմ, որ խնդիրն ավելի հստակ ներկայացվի և կարողանան հասնել իրենց առջև դրված նպատակներին: Այս մասին լրագրողների հետ զրույցում ասաց քաղաքագետ Հրանտ Մելիք-Շահնազարյանը՝ անդրադառնալով հարցին՝ արդյոք միացել է երիտասարդների ակցիային, որոնք պահանջում են ԿԳՄՍ նախարար Արայիկ Հարությունյանի հրաժարականը:

Անդրադառնալով ՀՀ վարչապետ Նիկոլ Փաշինյանի հայտարարությանը, թե Մել ֆիլմի նկարահանումը չֆինանսավորելը խարան կլիներ ՀՀ կառավարության ճակատին, վերջինս ասաց. Ես չգիտեմ խարան ասելով, ինչ ի նկատի ունի վարչապետը, ես կարող եմ վստահ ասել, որ նման ֆիլմի ֆինանսավորումը ԿԳՄՍ կողմից խարան է պետության վրա, որովհետև, ըստ էության, դա ֆիլմ է, որը քարոզում է այլասերվածություն, սեռափոխելու հնարավորություն, սեռական փոքրամասնությունների ակտիվ գործունեություն մեր երկրում և այդ ամենն այն է, որ կարելի է կոչել սոդոմական մեղք: Եթե կառավարությունը նման ֆիլմեր է ֆինանսավորում դա է խարան կառավարության վրա և, ցավոք սրտի, նաև անջնջելի խարան է :

Հարցին՝ արդեն տևական ժամանակ է երիտասարդները պահանջում են նախարարի հրաժարականը, սակայն նախարարության կողմից երկխոսության առաջարկ չի հնչել, սա տարօրինակ չէ՞, իր համար, Հրանտ Մելիք-Շահնազարյանը պատասխանեց, որ նախարարությունը ինչ-որ կերպ փորձում էր շրջանցել, նենգափոխել խնդիրը, սկզբում որպես քաղաքական հարց էին ներկայացնում, թե կուսակցական է խնդիրը, բայց վերջին օրերին նախարարը խոսում է, որ պատրաստ է երկխոսության, բայց հարցն այն է, որ երկխոսության սուբյեկտները, կարծես, այլևս չեն երևում:

Մասնագետների և նախարարի, կառավարության դիրքորոշումներն այնքան տարբեր են, որ իսկապես անջրպետ է առաջացել գիտական հանրույթի և կառավարության միջև: Այն օղակը ի դեմս նախարարի, որը պետք է հաղթահարեր անջրպետը, նպաստեր, որպեսզի երկխոսություն կայանա, չի կարող անել, նախարարի անձով պայմանավորված: Եթե անգամ կառավարությունը, ԿԳՄՍ նախարարությունը ետ կանգնի իր ծրագրից, ապա գիտական հանրույթի և գործադիրի միջև լուրջ հակասություններ կան արժեքների և ընկալումների տեսակետից ,- հայտարարեց նա:

Ըստ նրա՝ այն խնդիրները, որոնք դրված են կրթության նախարարության կողմից, շատ հակասական են. Դրանք նախևառաջ հակասում են կառավարության ծրագրին, որովհետև Նիկոլ Փաշինյանի կառավարության ծրագրում նշված է՝ հայերենը պետք է դարձնել գիտական, ավելի գործածական լեզու և հիմա բուհերից դուրս մղելով հայոց լեզուն՝ դեմ են գնում իրենց իսկ հռչակած կառավարության ծրագրին ,- նկատեց նա:

Հրանտ Մելիք-Շահնազարյանը շեշտեց, որ խոսում են բուհերի անկախության մասին, բայց լեզվի հարցը թողնում են բուհերի հայեցողությանը, իսկ կառավարումը գրեթե ամբողջությամբ անցնում է կառավարության ազդեցության տակ: Իրենց կողմից նշանակվում են դեկաններ, ռեկտորներ և այդ դեկանները պետք է որոշեն, թե որտեղ հայոց լեզու կիրառվի, որտեղ ոչ: Եթե հանդիպեն նախարարության անդամները դասախոսական կազմի, մասնագետների հետ, այս նախագիծը չի ընդունվի և դա կլինի այս շարժման փոքր հաղթանակը ,- հայտարարեց նա:

Related news

Latest News
Hashtags:   

կառավարությունը

 | 

ֆիլմի

 | 

ֆիլմեր

 | 

ֆինանսավորում

 | 

անջնջելի

 | 

խարան

 | 

կառավարության

 | 

Հրանտ

 | 

Մելիք

 | 

Շահնազարյան

 | 
Most Popular (6 hours)

Most Popular (24 hours)

Most Popular (a week)

Sources