Wednesday 11 December 2019
Home      All news      Contact us      English
tert.am - 28 days ago

Բաքվում ընդդիմադիր կուսակցության ցույցի ժամանակ զանգվածային ձերբակալություններ են տեղի ունեցել (տեսանյութ)

Ադրբեջանի մայրաքաղաք Բաքվի գործադիր իշխանության շենքի մոտակայքում բողոքի ակցիայի ժամանակ ձերբակալվել են ընդդիմադիր Մուսավաթ կուսակցության փոխնախագահներ Սահավաթ Սոլթանլըն, Ֆարաջ Քերիմլին և այլ ակտիվիստներ: Այս մասին տեղեկացնում է turan.az կայքը: Ավելի ուշ ձերբակալվել է Զաքիր Իսմայիլովը, որը տեղեկացրել էր լրագրողներին, որ մինչ ակցիայի սկսվելն արդեն ձերբակալվել է 17 կուսակցական: Ձերբակալվել են նաև մի քանի կանայք, որոնք այդ պահին հարցազրույց էին տալիս և նշում, որ իրենք ոչ մի օրենք չեն խախտում, այլ օգտվում են իրենց սահմանադրական իրավունքից՝ բողոքի ակցիա անցկացնելով: Ոստիկաններն ու քաղաքացիական համազգեստով մարդիկ ձերբակալել և մեքենաներով տարել են ցուցարարներին՝ ասելով լրագրողներին, որ չխանգարեն իրենց աշխատանքին: Հիշեցնենք, որ դեռ երեկ Բաքվում ոստիկանության աշխատակիցները ձերբակալել էին ընդդիմադիր Մուսավաթ կուսակցության նախագահ Արիֆ Հաջիլիին: Մուսավաթ կուսակցությունը նոյեմբերի 12-ին Բաքվի գործադիր իշխանության շենքի մոտ բողոքի ակցիա էր նշանակել, և դիմել էր գործադիր իշխանությանը ակցիայի հաստատման համար: Գործադիր իշխանությունը համաձայնություն չէր տվել ակցիայի անցկացման համար, որից հետո կուսակցությունը հայտարարել էր, որ ակցիան Բաքվի գործադիր իշխանության շենքի դիմաց կանցկացնի առանց թույլտվության:

Related news

Latest News
Hashtags:   

Բաքվում

 | 

ընդդիմադիր

 | 

կուսակցության

 | 

ցույցի

 | 

ժամանակ

 | 

զանգվածային

 | 

ձերբակալություններ

 | 

ունեցել

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources