Sunday 15 December 2019
Home      All news      Contact us      English
tert.am - 1 month ago

«Ժողովուրդ»․ Խորհրդարանը՝ բղավելու և հաշիվներ մաքրելու վայր. 2 ռաունդով «ռազբորկա»՝ «Իմ քայլի» պատգամավորների միջև

Իշխող թիմից երկու ընկեր պատգամավոր երեկ Ազգային ժողովը շփոթել էին բղավելու և հաշիվներ մաքրելու վայրի հետ: Իմ քայլը խմբակցության քարտուղար Հակոբ Սիմիդյանն ու պատգամավոր Վարդան Աթաբեկյանն օրենքի տանը ուղղակի ռազբորկա էին սկսել այն բանից հետո, երբ Աթաբեկյանը ձեռնպահ քվեարկեց ԲՀԿ հեղինակած սեռափոխվածների կամ նույնասեռականների ամուսնության գրանցումն արգելող օրինագիծն օրակարգ բերելուն:

Եռացող կրքերի թեժացման պահին իմքայլական տղամարդիկ, թերևս, մոռանալով որտեղ են և ինչի համար, խմբով դահլիճից դուրս են նետվել: Միջանցքում միմյանց չհասկանալուց հետո մտել են Իմ քայլը խմբակցության քարտուղար Սիմիդյանի սենյակ, որտեղ քաշքշել են միմյանց Սիմիդյանն ու Աթաբեկյանը: Նրանց բաժանել են գործընկեր պատգամավորները: Բայց ռազբորկան այստեղ չի ավարտվել:

Օրենսդիրների 2-րդ ռաունդը պատգամավոր Արտաշես Պետրոսյանի աշխատասենյակում է եղել, որն, ի դեպ, նախկինում Առաքել Մովսիսյանի՝ հայտնի Շմայսի աշխատասենյակն էր: Ու նոր Հայաստանի պատգամավորներն այստեղ են եկել թերևս շնորհքով հարցը լուծելու: Իսկ ի՞նչն է եղել այս բախման պատճառը: 4-րդ ընտրատարածքից՝ Արեշից վարկանիշային ընտրակարգով ԱԺ եկած Աթաբեկյանը մինչև այսօր չի փայլել օրենսդրական գործունեությամբ, Սիմիդյանն էլ իր հերթին առավելապես ներքին շփումների կարգավորմամբ է զբաղվել: Այնպես որ, աշխատանքային հարթությունում երկու ընկերների այս բախումը գրեթե բացառվում է, եթե նկատի չառնենք, որ Աթաբեկյանի՝ ձեռնպահ քվեարկելուց հետո Սիմիդյանը թեքվել և նրան ինչ-որ ռեպլիկ է արել, ու հենց դրան է հաջորդել խորհրդարանը հաշիվ պահանջելու հարթակ դարձնելը: Նկատենք, որ վերջին շրջանում Սիմիդյանը շատ ագրեսիվ է դարձել, աջ ու ձախ նկատողություններ է արել պատգամավորներին։ Հենց երեկ մինչև միջադեպը, կոպիտ է զրուցել պատգամավոր Արփի Դավոյանի հետ ԱԺ դահլիճ մտնելիս։ Երեկ ԱԺ-ում լուրեր էին պտտվում, որ Աթաբեկյանը Սիմիդյանին նախ ասել է՝ մուննաթով չխոսի, ապա մեղադրել է այն հարցում, թե ներսից մշտապես ոչ ճիշտ տեղեկություններ է փոխանցում վարչապետ Նիկոլ Փաշինյանին: Բայց Աթաբեկյանը Ժողովուրդ օրաթերթի հետ զրույցում կտրուկ հերքեց դա՝ ասելով. Ոչ, նման բան չկա: Մենք շատ մտերիմ ընկերներ ենք, ամեն ինչ նորմալ է Եթե վեճը լիներ որևէ օրենքի շուրջ, արժեր դրա վերաբերյալ մեկնաբանություն տալ, բայց վեճն օրենքի շուրջ չի եղել։ Անձնական հարց էր :

Սիմիդյանն էլ ասաց լուրջ բան չկա, ընկերներով բարձր ձայնով խոսեցինք։ Համաձայնեք՝ վեճը ինչի շուրջ էլ որ թիմակիցների միջև լիներ, թերևս կգտնվեր այլ տեղ այդ ոգով հարցեր լուծելու՝ պատգամավորին անվայել պահվածքով, գործընկերների, լրագրողների, ԱԺ աշխատակիցների նկատմամբ անհարգալից այդ վերաբերմունքով օրենքի տունը ռազբորկայի արենա դարձնելու փոխարեն ,-գրում է թերթը: Նյութն ամբողջությամբ կարդացեք թերթի այսօրվա համարում:

Related news

Latest News
Hashtags:   

Ժողովուրդ

 | 

Խորհրդարանը՝

 | 

բղավելու

 | 

հաշիվներ

 | 

մաքրելու

 | 

ռաունդով

 | 

ռազբորկա

 | 

քայլի

 | 

պատգամավորների

 | 
Most Popular (6 hours)

Most Popular (24 hours)

Most Popular (a week)

Sources