Saturday 7 December 2019
Home      All news      Contact us      English
tert.am - 24 days ago

«Հայաստանի Հանրապետություն». Տարածաշրջանում թուրք-սիրիական դեռ տաք և հայ-ադրբեջանական սառեցված հակամարտությունների կողքին կարող է վերսկսվել ևս մեկը՝ պաղեստինա-իսրայելականը

Մեկ անգամ չէ, որ ասել ենք՝ Անկարայի քայլերը նպաստելու են Իսլամական պետություն ահաբեկչական խմբավորման աշխուժացմանը, ինչը, ցավոք, իրականություն է դառնում: Այս օրերին ահաբեկիչները սպանել են Քամիշլիի հայ կաթողիկե համայնքի հովվապետ տեր Հովսեփ քահանա Պետոյանին ու նրա հորը տեր Աբրահամ քահանա Պետոյանին: Ահաբեկիչները կրակ են բացել նրանց մեքենայի ուղղությամբ, ԻՊ-ը ստանձնել է հայ հոգևորականների սպանության պատասխանատվությունը: Այս դեպքերը խստիվ դատապարտել է Սիրիայի կառավարությունը, որը համոզված է, որ հակամարտության բորբոքում թուրքական կողմն է ցանկանում: Սիրիայի նախագահ Բաշար Ասադը Թուրքիայի նախագահի հետ հանդիպման գաղափարը տեղին չի համարել. Հազիվ թե նա, ով գրավում է քո տարածքը, կարող է ցանկալի զրուցակից լինել: Մեր թշնամիներն են՝ Էրդողանը, նրա քաղաքականությունն ու շրջապատը : Ասադը միաժամանակ նշել է, որ իրենք բանակցություններ վարել են, բայց ոչ Էրդողանի հետ: Այսպես Դամասկոսը փորձում է գոնե սառեցման տանել հակամարտությունը՝ թշնամու հետ բանակցելու պատրաստակամություն հայտնելով, ինչը նաև հնարավորություն կտա ռուսական կողմին, որ անվտանգության գոտում պարեկային ծառայություն է իրականացնում թուրքական զինուժի հետ, շարունակել միջնորդավորված բանակցությունները թուրք-ամերիկյան կողմի հետ, թուրքական հետագա սադրանքներից խուսափելու համար: Տարածաշրջանում թուրք-սիրիական դեռ տաք և հայ-ադրբեջանական սառեցված հակամարտությունների կողքին կարող է վերսկսվել ևս մեկը՝ պաղեստինա-իսրայելականը, եթե միջազգային նոր օրակարգը հաստատվի Ծավալումներն անխուսափելի են, ու մենք չպետք է մոռանանք, որ եվրոպական երկրների մեծ մասը շահագրգռված է Հայաստանի հետ հարաբերությունների առավել սերտացմամբ, քանի որ սեփական շահեր են հետապնդում Եվրոպա-Ասիա խաչմերուկում՝ Մերձավոր Արևելքում: Որպեսզի մեր երկրի դերը ևս մեկ անգամ կարևորենք, պիտի հիշեցնենք, որ այդ ճամփաբաժանը նախկինում այլ անուն ուներ՝ Հայկական լեռնաշխարհ, երբ Մերձավոր Արևելքի ու Կովկասի միջև հայոց պետությունն էր կանգնած՝ Հայքը: Եվ շատ կարևոր է, որ Հայաստանի դերն ու նշանակությունը վերաարժևորվել է հին Մետաքսի ճանապարհի նոր ծրագրում, Հայաստանի դերն առաջ է քաշվել հենց Չինաստանի կողմից ,-գրում է թերթը: Նյութն ամբողջությամբ կարդացեք թերթի այսօրվա համարում:

Related news

Latest News
Hashtags:   

Հայաստանի

 | 

Հանրապետություն

 | 

Տարածաշրջանում

 | 

թուրք

 | 

սիրիական

 | 

ադրբեջանական

 | 

սառեցված

 | 

հակամարտությունների

 | 

կողքին

 | 

կարող

 | 

վերսկսվել

 | 

մեկը՝

 | 

պաղեստինա

 | 

իսրայելականը

 | 
Most Popular (6 hours)

Most Popular (24 hours)

Most Popular (a week)

Sources