Friday 13 December 2019
Home      All news      Contact us      English
tert.am - 1 month ago

«Գլոբալ Կրեդիտ» ՈւՎԿ-ն նշեց իր գործունեության 10 տարին

Գլոբալ Կրեդիտ ունիվերսալ վարկային կազմակերպությունը նշեց գործունեության տասը տարին։ Միջոցառման ընթացքում ներկայացվեց կազմակերպության առցանց վարկավորման նոր հարթակը CashMe -ն, որի միջոցով վարկավորման ծառայություններ կմատուցվեն 24/7 գրաֆիկով՝ հասանելիություն ապահովելով ամբողջ աշխարհում:

Գլոբալ Կրեդիտ ՈւՎԿ ի գործադիր տնօրենի տեղակալ Սամվել Մարգարյանը նշեց, որ լինելով խոշոր վարկային կազմակերպություն՝ Գլոբալ Կրեդիտը ստրատեգիական որոշում է կայացրել ավանդական վարկային կազմակերպությունից վերաֆորմատավորվել էլեկտրոնային հարթակի:

Սա կբերի ավելի հարմար պայմանների: Ավանդականը նշանակում է, որ մարդը մի ամբողջ օր վատնում է վարկ ստանալու համար: Մեր ստեղծած հարթակի միջոցով վարկավորման գործընթացը կտևի երկու-երեք րոպե: Մենք վարկավորման գործընթացը հասցրել ենք մի քանի կոճակ սեղմելուն: Կարծում եմ՝ դեռ ոչ ոք չի հասել վարկերի տրամադրման նման հեշտացված համակարգի, այս ոլորտում մենք առաջամարտիկներն ենք ,- ասաց Սամվել Մարգարյանը:

Վարկի ստացումն առավելապես պարզեցված է և հարմարեցված հաճախորդների ժամանակը խնայելուն: Չունենալով մասնաճյուղային ցանց՝ ընկերությունն ապահովել է հասանելիություն Հայաստանի ամբողջ տարածքում և տրամադրել է մոտ 100,000 վարկ 100 մլրդ դրամ ծավալով:

Գլոբալ Կրեդիտ ՈւՎԿ-ն մեծ ուշադրություն է դարձնում վերականգնվող էներգետիկայի զարգացման ծրագրերին և այսօր հանդիսանում է նման նախագծերի խոշորագույն մանրածախ ֆինանսավորողը: Առաջադեմ գաղափարները բիզնես նախագծերի վերածելու նպատակով կազմակերպությունը շարունակաբար ֆինանսական աջակցություն է ցուցաբերում ստարտափ ընկերություններին: Մասնավոր կապիտալով աշխատող վարկային կազմակերպությունների շարքում Գլոբալ Կրեդիտ ՈւՎԿ-ն աոաջինն էր, որը թողարկեց պարտատոմսեր, որոնց նկատմամբ պահանջարկն արդեն 5 տարի գերազանցում է առաջակը: Որպես սոցիալապես պատասխանատու ընկերություն՝ կազմակերպությունն իրականացնում է բազմաթիվ սոցիալական և բնապահպանական ծրագրեր:

Մենք ունենք սոցիալական ծրագրեր՝ ինչպիսիք են երիտասարդ ընտանիքների համար մատչելի բնակարանների տրամադրումը, էներգաարդյունավետ վարկավորումը՝ չգազիֆիկացված տարածքներում և այլն: Տասը տարվա ընթացքում իրականացվել են տարաբնույթ ծրագրեր հենց հաճախորդների համար: Հաճախորդամետ քաղաքականությունը շարունակական բնույթ է կրելու, փորձելու ենք ավելի մատչելի, հեշտ և արագ սպասարկում ապահովել: Չունենալով մասնաճյուղեր, գնալու ենք այլ ուղով՝ դեպի ՏՏ ոլորտ և փորձելու ենք ավելի հեշտ և արագ վարկեր տրամադրել ,- ասաց Գլոբալ Կրեդիտ Ունիվերսալ վարկային կազմակերպության գործադիր տնօրեն Լուիզա Իգրարյանը: CashMe հարթակը ավտոմատ եղանակով կհայտնի վարկի գումարի հասանելի չափը մուտքագրված անձնագրային տվյալների հիման վրա: Գումարը կարելի է ստանալ ինչպես կանխիկ եղանակով՝ վճարային տերմինալների և բջջային օպերատորների միջոցով, այնպես էլ անկանխիկ՝ բանկային քարտի միջոցով:

Գլոբալ Կրեդիտ ՈւՎԿ-ն ակտիվորեն շարունակում է իր վարկային գործիքների թվայնացման գործընթացը, որի վերջնական նպատակն է իր հաճախորդներին բարձրորակ ֆինանսական ծառայությունների մատուցումը և ֆինանսական միջոցների հասանելիության ապահովումը:













Related news

Latest News
Hashtags:   

Գլոբալ

 | 

Կրեդիտ

 | 

գործունեության

 | 

տարին

 | 
Most Popular (6 hours)

Most Popular (24 hours)

Most Popular (a week)

Sources