Thursday 12 December 2019
Home      All news      Contact us      English
tert.am - 30 days ago

Չեմ կարծում, որ արցախյան հարցը մոտ է լուծման, ամենակարևորը ստատուս քվոյի պահպանումն է. Արման Նավասարդյան

Հայ-ռուսական համալսարանի համաշխարհային քաղաքականության և միջազգային հարաբերությունների ամբիոնի վարիչ, ՀՀ արտակարգ և լիազոր դեսպան Արման Նավասարդյանն այսօր մամուլի ասուլիսին անդրադարձավ ՌԴ արտգործնախարար Լավրովի այցին Հայաստան՝ նշելով, որ այն դրական է համարում: Նա նաև նշեց, թե չի կարծում, որ Արցախի հիմնախնդիրը մոտ է կարգավորման, սակայն ամենակարևորը, ըստ նրա, ստատուս քվոյի պահպանումն է։

Ես Լավրովի այցելությունը շատ եմ կարևորում և համոզված եմ, որ նա ուղղորդում է ռուսական արտաքին քաղաքականությունը շատ բարձր մակարդակով և մեծ հեղինակություն ունի ,- ասաց նա: Արման Նավասարդյանը նկատեց, որ Լավրովը կոշտ էր արձագանքել, երբ հնչել էր հայտարարություն, թե Արցախը Հայաստան է ու վերջ, սակայն կարևորեց, որ Հայաստանում Լավրովը նշեց, որ առանց Արցախի ժողովրդի հնարավոր չէ կարգավորում:

Ռուս-հայկական հարաբերությունները նորմալ և զարգացման շրջանակների մեջ են: Ամերիկան, թեև չէր ցանկանա, որ ռուսական ազդեցությունն ուժեղանա այստեղ, սակայն արցախյան հարցի հանգուցալուծման հարցում Ռուսաստանի և ԱՄՆ-ի միջև հակասություններ չկան և սա միակ կետն է, որտեղ նրանք չունեն հակասություններ: Երկու պետությունն էլ ցանկանում են հարցի խաղաղ լուծում՝ ելնելով նաև իրենց քաղաքական շահերից: Ես չեմ կարծում, որ արցախյան հարցը մոտ է լուծման, որ բանակցային գործընթացը կվերականգնվի, բայց ամենակարևորը ստատուս քվոյի պահպանման հարցն է և որքան շարունակվի ստատուս քվոյի պահպանումը, դա օգուտ է Հայաստանին ,-ասաց նա:

Դիվանագետը կարևորեց նաև ՌԴ Թուրքիա, ԱՄՆ-Թուրքիա հարաբերությունների զարգացումը: Այս բոլոր թոհուբոհի մեջ նորից գլուխ են բարձրացնում պանթուրքիստական քաղաքականության սկզբունքները, որի վկայություններից մեկը Բաքվում թյուրքալեզու երկրների պետությունների գագաթաժողովն էր, որին միացավ Ուզբեկստանը: Թուրքիան և Ադրբեջանը ամեն ինչ անում են այդ կազմն ընդարձակելու համար ,- ասաց նա և նշեց, որ պանթուրքիզմն ուղղված է մի կողմից դեպի Ռուսաստան, մյուս կողմից դեպի Չինաստան:

Արման Նավասարդյանը նշեց, որ Ռուսաստանը փորձում է վերահսկողության տակ վերցնել պանթուրքիզմի քաղաքականությունը: Ռուսաստանը փորձում է հսկողության տակ վերցնել այդ շարժումը, քանի որ դա Ռուսաստանի շահերի դեմ է ուղղված: Այս ամբողջ դեպքերի զարգացման մեջ կարևորում եմ Ադրբեջանի քաղաքականությունը. նա փորձում է այս քողի տակ հնարավորինս հարվածել Հայաստանին և Հայաստանի շահերին ,- ասաց նա:

Արման Նավասարդյանը նշեց, որ մենք պետք է Ռուսաստանի հետ ռազմական հարաբերությունները ոչ միայն պահենք, այլ նաև դա կարևոր է՝ Թուրքիայի կողմից Հայաստանին ագրեսիայի ենթարկելու դեպքում: Մենք պետք է հնարավորինս զարգացնենք հարաբերությունները ԱՄՆ-ի հետ, բայց երբ հնչում են կարծիքներ, որ պետք է դուրս գանք ՀԱՊԿ-ից, ՆԱՏՕ-ին անդամագրվենք, սրանք վտանգավոր միտումներ են ,-ասաց նա:

Related news

Latest News
Hashtags:   

կարծում

 | 

արցախյան

 | 

հարցը

 | 

լուծման

 | 

ամենակարևորը

 | 

ստատուս

 | 

քվոյի

 | 

պահպանումն

 | 

Արման

 | 

Նավասարդյան

 | 
Most Popular (6 hours)

Most Popular (24 hours)

Most Popular (a week)

Sources