Wednesday 20 November 2019
Home      All news      Contact us      English
tert.am - 10 days ago

Անկարան և Վաշինգտոնը քննարկել են Սիրիայում տեղի ունեցած վերջին իրադարձությունները

Թուրքիայի նախագահ Ռեջեփ Թայիփ Էրդողանի պաշտոնական ներկայացուցիչ Իբրահիմ Քալընը հանդիպում է ունեցել Սիրիայի հարցով ԱՄՆ հատուկ ներկայացուցիչ Ջեյմս Ջեֆրիի և ամերիկացի դեսպան Դևիդ Սաթերֆիլդի հետ։ Այս մասին հայտնում է ТАСС գործակալությունը՝ հղում անելով թուրքական աղբյուրին։ Քալընը հայտնել է, որ հանդիպումն անցել է մամուլի համար փակ ռեժիմում Ստամբուլի Դոլմաբահչե շրջանում։ Մեկուկես ժամ տևած հանդիպմանը կողմերը քննարկել են Սիրիայում տեղի ունեցող վերջին իրադարձությունները, նախագահ Էրդողանի՝ նոյեմբերի 13-ին ԱՄՆ կատարելիք այցի մանրամասները, ինչպես նաև Թուրքիայի և ԱՄՆ-ի միջև Սիրիայում անվտանգության գոտիներ ստեղծելու շուրջ համագործակցության ընդլայնման անհրաժեշտությունը։ Ավելի վաղ ամերիկյան պատվիրակության հետ հանդիպում է ունեցել նաև Թուրքիայի պաշտպանության նախարար Հուլուսի Աքարը։ Հիշեցնենք, որ հոկտեմբերի 9-ին Թուրքիան հայտարարել էր Սիրիայի հյուսիսում Խաղաղության ակունք ռազմարշավ սկսելու մասին՝ այնտեղ անվտանգության գոտի ստեղծելու մտադրությամբ։ Այն պետք է պաշտպանիչ գոտի դառնա թուրքական սահմանի համար։ Հոկտեմբերի 17-ին ԱՄՆ-ի և Թուրքիայի պայմանավորվածությամբ 120-ժամյա հրադադար է սահմանվել Սիրիայի հյուսիսում։

Հոկտեմբերի 22-ին հրադադարը երկարաձգվել է ռուս-թուրքական բանակցությունների արդյունքում։ Ռուս-թուրքական ուժերը պայմանավորվել են համատեղ հերթապահություն իրականացնել Սիրիայի հետ թուրքական սահմանի 30 կմ երկարությամբ ձգվող տարածքում՝ մինչև Կամիշլի քաղաքը։

Related news

Latest News
Hashtags:   

Անկարան

 | 

Վաշինգտոնը

 | 

քննարկել

 | 

Սիրիայում

 | 

ունեցած

 | 

վերջին

 | 

իրադարձությունները

 | 
Most Popular (6 hours)

Most Popular (24 hours)

Most Popular (a week)

Sources