Wednesday 20 November 2019
Home      All news      Contact us      English
azatutyun - 11 days ago

Ղարաբաղյան խնդրի կարգավորումը գտնվում է Ռուսաստանի նախագահի ուշադրության կենտրոնում

Ռուսաստանը շարունակում է ակտիվ դերակատարությունը ղարաբաղյան խնդրի կարգավորման գործընթացում, այս հարցում կողմերին ցուցաբերվող աջակցությունը Ռուսաստանի արտաքին քաղաքականության գերակայություններից է, հայտարարել է այդ երկրի արտգործնախարարությունը, հավելելով՝ կարգավորման գործընթացը գտնվում է նախագահի ուշադրության կենտրոնում: «Մեր խորին համոզմամբ, հակամարտության պետք է կարգավորվի միայն քաղաքա-դիվանագիտական և կողմերի միջև երկխոսության ճանապարհով: Կարծում ենք, որ քաղաքական կամքի առկայության դեպքում դիվանագիտական ջանքերը վաղ թե ուշ թույլ կտան առաջընթաց արձանագրել և հասնել փոխզիջման», - հայտարարել է Ռուսաստանի Արտգործնախարարությունը, ընդգծելով, որ կշարունակի ակտիվորեն աջակցել կողմերին ԵԱՀԿ Մինսկի խմբում, ինչպես նաև ազգամիջյան հարթակում՝ հաշվի առնելով սերտ կապերը թե՛ Հայաստանի, թե՛ Ադրբեջանի հետ: Պաշտոնական հայտարարությունը տարածվել է արտգործնախարար Սերգեյ Լավրովի՝ վաղը Հայաստան կատարելիք պաշտոնական այցի նախօրեին: Երկօրյա այցի ընթացքում, ըստ պաշտոնական հաղորդագրության, Լավրովը Հայաստանի արտգործնախարարի հետ կքննարկի ղարաբաղյան խնդրի կարգավորումը, ինչպես նաև երկկողմ հարաբերություններին, ԵԱՏՄ – ՀԱՊԿ - ԱՊՀ գծով համագործակցությանը և միջազգային կառույցներում փոխազդեցությանը վերաբերող հարցեր: Ռուսաստանի արտգործնախարարը հանդիպումներ կունենա նաև վարչապետ Նիկոլ Փաշինյանի և նախագահ Արմեն Սարգսյանի հետ:

Related news

Latest News
Hashtags:   

Ղարաբաղյան

 | 

խնդրի

 | 

կարգավորումը

 | 

գտնվում

 | 

Ռուսաստանի

 | 

նախագահի

 | 

ուշադրության

 | 

կենտրոնում

 | 
Most Popular (6 hours)

Most Popular (24 hours)

Most Popular (a week)

Sources