Friday 15 November 2019
Home      All news      Contact us      English
tert.am - 8 days ago

Լիբանանում ցուցարարները հավաքվել են պետական հիմնարկների առաջ՝ խոչընդոտելով նրանց աշխատանքին

Բեյրութում և Լիբանանի այլ խոշոր քաղաքներում ցուցարարներն արդեն երկրորդ օրն է՝ պետական հիմնարկների առջև բողոքի ակցիաներ են անցկացնում՝ երկրի իշխանություններին ուղղված մի շարք պահանջներով, գրում է РИА Новости-ն։ Արդեն երկու օր է՝ Կենտրոնական բանկի, Կրթության նախարարության, բջջային կապը սպասարկող կազմակերպությունների և այլ պետական կառույցների շենքերի մոտ ուսանողները, աշակերտները բողոքի ակցիա են անցկացնում։ Բողոքի ցույցի մասնակիցներն առաջին հերթին պահանջում են կենսապայմանների բարելավում, սոցիալական բարեփոխումներ՝ միևնույն ժամանակ կոչ անելով որքան հնարավոր է արագ ձևավորել փրկության անցումային կառավարություն և պատասխանատվության ենթարկել բոլոր այն պետական պաշտոնյաներին, որոնք կապ ունեն կոռուպցիոն սխեմաների և պետական միջոցների մսխման հետ։ Բեյրութի կենտրոնական հրապարակներում շարունակվում են բազմահազարանոց հակակառավարական ցույցերը։ Հասարակական շարժումը ձևավորել է համակարգող խորհուրդ, որի կազմի մեջ է մտնում 100 քաղաքացիական հոսանք: Նշված խորհրդին զուգահեռ՝ զանգվածային ցույցեր են անցկացնում նաև ձախ հոսանքի կողմնակիցները․ ձախ հոսանքը գլխավորում է Կոմունիստական կուսակցությունը և դեմոկրատական երիտասարդական միավորումը։ Հիշեցնենք, որ Լիբանանի վարչապետ Սաադ Հարիրին հոկտեմբերի 29-ին հայտարարել էր հրաժարական տալու որոշման մասին: Հարիրին նշել էր, որ իր հրաժարականով ինքը կատարում է ցուցարարների պահանջը: Հոկտեմբերի 24-ին Սաադ Հարիրին իր հեռուստատեսային ելույթում հայտարարել էր, որ պատրաստ է հանդիպել ցուցարարների ներկայացուցիչների հետ և քննարկել իրավիճակի լուծման տարբերակները: Համաժողովրդական բողոքի ակցիաներն ուղղված են երկրի քաղաքական ինստիտուտների դեմ: Լիբանանի բնակիչները, որոնք ներկայացնում են տարբեր կրոնական խմբեր, մեղադրում են քաղաքական գործիչներին իշխանության չարաշահման և պետության ռեսուրսները սեփական հարստացմանն ուղղելու համար: Խորանում են ֆինանսական դժվարությունները, շրջանառությունից անհետանում է ԱՄՆ դոլարը, լիբանանյան ֆունտն ավելի ու ավելի է արժեզրկվում:

Related news

Latest News
Hashtags:   

Լիբանանում

 | 

ցուցարարները

 | 

հավաքվել

 | 

պետական

 | 

հիմնարկների

 | 

առաջ՝

 | 

խոչընդոտելով

 | 

նրանց

 | 

աշխատանքին

 | 
Most Popular (6 hours)

Most Popular (24 hours)

Most Popular (a week)

Sources