Friday 15 November 2019
Home      All news      Contact us      English
tert.am - 8 days ago

Դատավոր Աննա Դանիբեկյանից արդարադատություն սպասելը միամտություն է. Լևոն Քոչարյանը՝ հոր խափանման միջոցը չփոխելու մասին

Դատավոր Աննա Դանիբեկյանից արդարադատություն սպասելը միամտություն է: Այս մասին լրագրողների հետ զրույցում հայտարարեց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը՝ անդրադառնալով դատավորի կողմից Ռոբերտ Քոչարյանին գրավի դիմաց ազատ արձակելու վերաբերյալ պաշտպանների միջնորդությունը մերժելուն:

Այս դատավորից արդարադատություն իրականացնելու հարցում ոչ մի ակնկալիք չպետք է ունենալ, դրա համար ինձ համար սպասելի էր ու չեմ զարմանում նրա հերթական ապօրինի որոշման վրա ,- ասաց նա: Անդրադառնալով մարզերում ի աջակցություն Քոչարյանի անցկացվող ստորագրահավաքին՝ նա ասաց, որ բավականին աշխույժ ու լավ է անցնում այդ ստորագրահավաքը: Դիտարկմանը, որ մամուլը հակառակն է գրում, Լևոն Քոչարյանն ասաց. Մամուլում ինչ ասես չի գրվում. մեր ընտանիքի հետ կապված ինչ հիմարություն, ինչ ստոր սուտ ասես գրվել է: Մամուլում գրվածը համարել վերին ատյանի ճշմարտություն, իհարկե, սխալ է: Անցած անգամ, երբ մենք զրուցում էինք, ես հարց տվեցի, թե ով է պատասխան տալու մեր ընտանիքի հանդեպ տարածվող ստի ու կեղծիքի համար, ինչ-որ մեկը պե՞տք է լինի, թե՞ ոչ : Լևոն Քոչարյանը նշեց, որ մինչև հիմա մարդիկ ինչ հիմարության ասես հավատում են: Այն հարցին, թե ինչո՞ւ ժամանակին չէին արձագանքում դրան, նա ասաց, որ չեն արձագանքել, որովհետև չեն մտածել, որ նման սուտն ու կեղծիքը կարող է մտնել մարդկանց մեջ, հիմա տեսնում են, որ այդ ամենն արմատացել են ու կեղծիքն արել է իր գործը: Հիշեցնենք, որ այսօր Երևանի ընդհանուր իրավասության դատարանը՝ գլխավորությամբ դատավոր Աննա Դանիբեկյանի, մերժեց Ռոբերտ Քոչարյանին՝ գրավի դիմաց ազատ արձակելու վերաբերյալ վերջինիս պաշտպանների միջնորդությունը։ Հաշվի առնելով նախապես նշանակված այլ դատական նիստերի առկայությունը, այսօրվա դատական նիստը հետաձգվեց: Հաջորդ դատական նիստը տեղի կունենա նոյեմբերի 12-ին ժամը 13:00-ին

Related news

Latest News
Hashtags:   

Դատավոր

 | 

Դանիբեկյանից

 | 

արդարադատություն

 | 

սպասելը

 | 

միամտություն

 | 

Քոչարյանը՝

 | 

խափանման

 | 

միջոցը

 | 

չփոխելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources