Friday 15 November 2019
Home      All news      Contact us      English
tert.am - 8 days ago

Փողը տալիս ենք, կովը տալիս ենք, պայմաններ ենք ստեղծում աշխատանքի համար. վարչապետը՝ նպաստառուների վերաբերյալ նախագծի մասին

Կառավարությունն այսօր ընդունեց նախագիծ, որով առաջարկվում է ՀՀ կառավարության որոշմամբ հաստատված աշխատաշուկայում անմրցունակ անձանց անասնապահությամբ զբաղվելու համար աջակցության տրամադրման հնարավորությունը կիրառել լրացուցիչ 1000 ընտանիքների համար, նրանց ընտրելով նպաստառու՝ անասնապահությամբ զբաղվող 29100 ընտանիքներից: Վարչապետը նշեց, այս նախագծով շատ հստակ ուղերձ են հղում հանրությանը, որ աղքատությունը հաղթահարելու այլ տարբերակ, քան աշխատանքն է, ուղղակի գոյություն չունի: Իհարկե, մեծ հաշվով մենք պետք է աղքատության հաղթահարման առաջնային գործիք համարենք կրթությունը, որովհետև կրթությունն է, որ մարդուն աշխատանքի շուկայում, ինչպես ընդունված է ասել, տալիս է մրցունակություն, սակայն մենք պետք է արձանագրենք, որ դիպլոմը դեռևս կրթություն չէ: Մարդուն կարելի է հաց տալ մեկ օր, երկու օր, մի շաբաթ, մի տարի, հինգ տարի, տասը տարի, բայց հետոն ի՞նչ է լինելու: Մենք պետք է մեր քաղաքացուն պատրաստենք, որ սեփական բարեկեցությունը հաստատելու միակ տարբերակը աշխատանքն է, ընդ որում, ուզում եմ հստակ ընդգծել՝ ազնիվ աշխատանքը, որովհետև հանցավոր գործունեությամբ զբաղվող որևէ մեկը Հայաստանում բարեկեցություն վաստակելու շանս պետք է չունենա ,-ասաց Նիկոլ Փաշինյանը: Ըստ վարչապետի՝ Հայաստանում սակավամտության պայքար է տեղի ունենում՝ մարդկանց անընդհատ ինչ-որ անհեթեթ վախեր ներշնչելով, օգտվելով մարդկանց տեղեկացվածության պակասից, ինչ-որ կեղծ կարգախոսներ դնելով շրջանառության մեջ: Եթե որևէ մեկին թվում է, թե մեզ դրանով պիտի վախեցնեն, իրենք սխալվում են, որովհետև իրենք հանրության կողմից մերժված են ու մղված ենք լուսանցք ու այնտեղից դուրս չեն գալու երբեք ,-ասաց նա: Նա նկատեց, որ դեռ շարունակում է լինել այն պատկերացումը, որ պետք է լինեն ինչ-որ մարդիկ՝ իշխանությանը կցված, որ անցնեն ու փողեր բաժանեն, բրինձ ու ձեթ բաժանեն: Էդ ձեթը բաժանվում էր ոչ թե մարդկանց աղքատությունը բարելավելու համար, այլ՝ աղքատության մեջ պահելու համար, որ հաջորդ ընտրություններում այդ նույն մարդկանց ձեթով ու բրնձով տանեն ընտրատեղամաս ու քվեարկել տան, էս պատմությունն ավարտված է Հայաստանում ,-ասաց վարչապետը: Նա կարևորելով նաև այս ծրագրի վերահսկողությունը՝ նշեց, որ Բրաբուս քշողները ֆինանսական աջակցություն պետք է չստանան: Կեղծ նպաստառուներով փողեր յուրացնելու պրակտիկան ամենակոշտ ու չոր հակազդեցության է արժանանալու: Հիմա փողը տալիս ենք, կովը տալիս ենք, խորհրդատվությունը տալիս ենք, պայմաններ ենք ստեղծում աշխատանքի համար ,-ասաց նա:

Related news

Latest News
Hashtags:   

տալիս

 | 

տալիս

 | 

պայմաններ

 | 

ստեղծում

 | 

աշխատանքի

 | 

համար

 | 

վարչապետը՝

 | 

նպաստառուների

 | 

վերաբերյալ

 | 

նախագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources